ناقابل ضمانت وارنٹ گرفتاری کی منسوخی کی درخواست، علی امین گنڈا پور نے غیر مشروط معافی مانگ لی

وزیر اعلیٰ خیبر پختونخوا علی امین گنڈٖاپور نے پی ٹی آئی حقیقی آزادی مارچ کیس میں اسلام آباد کی عدالت سے ناقابل ضمانت وارنٹ گرفتاری کی منسوخی کے لیے عدالت سے رجوع کر لیا۔

وارنٹ منسوخی کی درخواست راجہ ظہورِ الحسن ایڈوکیٹ کے زریعے دائر کی گئی

درخواست میں استدعا کی گئی ہے کہ کبھی جان بوجھ کر اس عدالت میں پیش نہ ہونے سے گریز نہیں کیا،عدالتی احکامات کی حکم عدولی پر غیر مشروط معافی مانگتا ہوں۔

درخواست میں کہا گیا کہ درخواست گزار انتخابی مصروفیات کے باعث عدالت میں پیش نہیں ہو سکا،عدالتی احکامات کی حکم عدولی پر غیر مشروط معافی مانگتا ہوں۔

درخواست میں استدعا کی گئی کہ علی امین گنڈا پور کے 19 مارچ کو جاری کیے گئے ناقابل ضمانت وارنٹ گرفتاری منسوخ کیے جائیں۔