جسٹس طارق محمود جہانگیری کو نامعلوم افراد کی فون کالز اور موبائل فون پر پیغامات

جسٹس طارق محمور جہانگیری کے ہائیکورٹ آفس کو مشکوک کال اور میسجز موصول ہوئے ہیں، عدالتی ذرائع کے مطابق مشکوک کال کرنے والے نے خود کو ڈی جی ایف آئی اے متعارف کرایا۔

تحقیقات کے بعد پتہ چلا ڈی جی ایف آئی اے نے کوئی کال نہیں کی ، مشکوک کال کرنے والا براہ راست جسٹس طارق جہانگیری سے بات کرنا چاہ رہا تھا ، مشکوک کال کے بعد جسٹس طارق جہانگیری نے رجسٹرار کو طلب کر لیا ہے۔

عدالتی ذرائع نے بتایا کہ مشکوک کال کے بعد جسٹس طارق جہانگیری نے رجسٹرار کو طلب کر لیا۔ جسٹس طارق جہانگیری نے ہدایت کی کہ رجسٹرار موبائل نمبر کے حوالے سے ایف آئی اے کو فوری رپورٹ کرے۔

عدالتی ذرائع نے بتایا کہ مشکوک کال 2 روز قبل اسلام آباد ہائیکورٹ جسٹس طارق جہانگیری آفس کی گئی ،مشکوک نمبر سے جسٹس طارق جہانگیری کے موبائل نمبر پر مشکوک مسیجز بھی بھیجے گئے۔