مدینہ سے کراچی آنے والی پی آئی اے کی پرواز میں 3 گھنٹے تاخیر

پی آئی اے کی مدینہ سےکراچی آنے والی پی آئی اے  کی پرواز3 گھنٹے سے زائد تاخیر سے روانہ ہوئی۔

ذرائع کے مطابق ہفتے کی صبح مدینہ ائیرپورٹ سے کراچی کے لیے روانہ ہونے والی پرواز پی کے 744 کے مسافروں کواس وقت پریشانی کا سامنا کرناپڑاجب بورڈنگ پاسزجاری کرنے کے بعد بھی پروازکی روانگی میں مسلسل تاخیر ہوئی۔

ذرائع کے مطابق کراچی روانگی کے لیے مسافر علی الصبح سے مدینہ ائیرپورٹ پر موجود تھے، بعض مسافروں کی فلائٹ میں سیٹیں کنفرم تھی وہ بھی تبدیل کردی گئیں۔

اس دوران مسافروں کی مدینہ ائیرپورٹ لاونج میں پی آئی اے عملے سے تلخ کلامی بھی ہوئی،بعدازاں پرواز کراچی روانہ کردی گئی۔