روڈ ایکسیڈنٹ میں زخمی پی آئی اے کی سینئر پرسر راشدہ مجید انتقال کرگئیں

پاکستان ائیرلائن کیبن کریوایسوسی ایشن کے صدر نصراللہ آفریدی کے مطابق پی آئی اے کی سینئرپرسرراشدہ مجید انتقال کرگئیں،ان کا سیالکوٹ روڈ پرپرواز کے لیے جاتے ہوئے ایکسیڈنٹ ہواتھا،

صدر کیبن کریوایسوسی ایشن کے مطابق پی آئی اے انتظامیہ کے ٹریولنگ کے ممنوعہ اوقات حادثہ پیش آیا،رات کے وقت عملے کو سرفیس ٹریولنگ کروانا ایوی ایشن قوانین کی کھلی خلاف ورزی ہے.

کیبن کریو ایسوسی ایشن پی آئی اے کے خلاف ایف آئی آرکٹوائے گی،ترجمان پی آئی اے کےمطابق پی آئی اے کی ایئر ہوسٹس اورسینئر پرسر راشدہ ماجد، جو کہ 29 جون کوسیالکوٹ  سے لاہور جاتے ہوئے ڈیوٹی کے دوران شدید زخمی ہو گئی تھی،ان کے انتقال پرپی آئی اے میں شدید رنج پایا جاتا ہے،حادثے کے دوران انکے سرپرگہری چوٹ آئی،اس دوران ان کے دوآپریشنز ہوئے اوروہ  دس انتہائی نگہداشت وارڈ میں زیرعلاج رہیں.

راشدہ ماجد ایک انتہائی محنتی اور فرض شناس  خاتون افسر تھیں اور ان کی خدمات کو ہمیشہ یاد رکھا جائے گا،پی آئی اے انتظامیہ نے اپنے ساتھی افسراوران کے خاندان کی دیکھ بھال میں کوئی کسر نہیں چھوڑی،علاج سے ان کی تدفین تک کے تمام انتظامات کو انتہائی ذمہ داری سے نبھایا گیا۔