پی آئی اے کا بعد از حج آپریشن آج اتوار سے شروع ہو گا

پی آئی اے کے بعد از حج آپریشن کا آغازاتوار 2 جولائی سے ہورہا ہے،کراچی کے جناح انٹرنیشنل ائیرپورٹ پر پہلی حج پرواز سہ پہر 3 بجکر 35 منٹ پر لینڈ کرے گی۔

300 پروازوں کے ذریعے 62 ہزار حجاج کرام کو وطن واپس پہنچایا جائے گا،قومی ائیرلائن کا بعد ازحج آپریشن 2 گست تک جاری رہےگا

ترجمان پی آئی اے کے مطابق قومی ائیرلائن کے بعد از حج آپریشن کےپہلے روز(اتوار)کوتمام پروازیں جدہ سے روانہ ہوں گی،پی کے 762 دو جولائی کو علی الصبح 5.30 پر جدہ سے اسلام آباد پہنچے گی،پی کے 760 دوپہر 3.20 پر جدہ سے لاہور پہنچے گی۔

پی کے 832 دوپہر 3.35 پر جدہ سے کراچی پہنچے گی،پی کے 740 دو جولائی کی شام 6.35 پر جدہ سے پشاور پہنچے گی،پی کے 732 تین جولائی کی علی الصبح 4 بجے کراچی پہنچے گی،پی کے 746 تین جولائی کو علی الصبح 6 بجے لاہور پہنچے گی۔

پی کے 742، 3 جولائی کو 7.45 پر کراچی پہنچے گی،پی آئی اے کا قبل از حج پروازوں کا بروقت روانگی کا تناسب 94 فیصد رہا جس کی کافی پذیرائی ملی۔

ترجمان کا کہنا ہے کہ پی آئی اے انتظامیہ کی جانب سے پوری کوشش کی جارہی ہے کہ بعد از حج پروازوں کی بروقت روانگی کا تناسب 90 فیصد سے زائد رکھا جائے گا،جدہ حج ٹرمینل پر حجاج کرام کی وطن واپس روانگی کے لئے خصوصی انتظامات کئے ہیں،خصوصی حج ٹیمیں جدہ و مدینہ ائر پورٹس پر حجاج کی رہنمائی کے لئے موجود ہے،پاکستانی ائر پورٹس پر حجاج کرام کے پرتپاک استقبال کے بھی اقدامات مکمل کرلئے گئے ہیں،پی آئی اے کا بعدازحج آپریشن 2 اگست تک جاری رہےگا۔