انتخابات کی تیاریاں مکمل ہیں، کوئی ابہام نہیں، الیکشن کمیشن کا صدر علوی کے بیان پر ردعمل

الیکشن کمیشن کا صدر مملکت کے نجی ٹی وی کو دئیے گئے انٹرویو پر سخت ردعمل  دیتے  ہوئے  کہا  ہے کہ الیکشن کمیشن کی آئندہ عام انتخابات کے حوالے سے تیاریاں مکمل ہیں،حلقہ بندیوں کی حتمی اشاعت کے فورا بعد انتخابات کے شیڈول کا اعلان کر دیا جائے گا،الیکشن ملتوی ہونے کا کوئی امکان نہیں۔

ترجمان الیکشن کمیشن نے سیک بیان میں کہا کہ حلقہ بندی کا پہلا مرحلہ مکمل ہو چکا ہے اور اعتراضات دائر کرنے کا دوسرا مرحلہ کل یعنی 27اکتوبر 2023 کو مکمل ہو جائے گا۔

ترجمان الیکشن کمیشن نے مزید کہا کہ ابتدائی حلقہ بندی پر اعتراضات کی سماعت الیکشن کمیشن  30/31 اکتوبر سے  شروع کرے گا،30نومبر 2023 کو الیکشن کمیشن  حلقہ بندیوں کی حتمی فہرست شائع کر دے گا۔

ترجمان نے واضح کیا کہ الیکشن کے انعقاد کے لئے  ایکشن پلان کے مطابق الیکشن کمیشن کی تمام تیاریاں مکمل ہیں،اس میں کسی قسم کا  ابہام نہیں۔