صدر اسمبلی اجلاس نہ بلا کر آئین شکنی کے مرتکب ہو رہے ہیں، شیری رحمان

پیپلز پارٹی کی رہنما شیری رحمان نے کہا ہے کہ آرٹیکل 91(2) واضح ہے کہ 21 روز میں اجلاس بلانا ہے،صدر آئین شکنی کے مرتکب ہو رہے ہیں۔

سپریم کورٹ میں میڈیا سے بات کرتے ہوئے شیری رحمان نے کہا کہ سپریم کورٹ میں پیپلز پارٹی کے صدارتی ریفرنس کے حوالےسے  آئےہیں،امید ہے عدالت اپنی لگائی ہوئی ضرب خود ٹھیک کرے گی،ملک کی جمہوری تاریخ پر ضرب لگی اس کا ازالہ ہوناچاہئے،بھٹوریفرنس کے حوالےسےتمام نظریں اس وقت سپریم کورٹ پر ہیں،چیف جسٹس قاضی فائزعیسیٰ کی سربراہی میں 9 رکنی بنچ سماعت کرے گا۔

قومی اسمبلی اجلاس بلانے میں صدر کے رکاوٹ بننے پر شیری رحمان نے کہا کہ اجلاس طلبی کو مخصوص نشستوں کےفیصلےسے مشروط کرناقابل افسوس ہے،حکومت سازی میں پیپلز پارٹی مسلم لیگ (ن) کے ساتھ ہے۔اسلام آباد:پی ڈی ایم تو کب کی ختم ہوچکی ہے،چاہتے ہیں آئین کی عملداری آگے بڑھے،صدرمملکت کے عہدے پر کاری ضرب پڑرہی ہے،صدرمملکت نے اب تک قومی اسمبلی کا اجلاس طلب نہیں کیا۔

شیری رحمان نے سوال کیا کہ صدرمملکت آئین شکنی کے مرتکب کیوں ہونا چاہتے ہیں،اب سنی اتحاد کونسل   آگےبڑھے اور اپنا کام کرے،خواتین کی مخصوص نشستوں کا معاملہ الیکشن کمیشن کے ہاتھ میں ہے،آرٹیکل 91(2) واضح ہے کہ 21 روز میں اجلاس بلانا ہے۔