صدر ایشین ڈویلپمنٹ بینک نے پاکستان کے اصلاحاتی ایجنڈے کی حمایت کردی

صدر ایشین ڈیویلپمنٹ بینک نے پاکستان کے اصلاحاتی ایجنڈے کی حمایت کردی۔وزیر اقتصادی امورکی زیرقیادت پاکستانی وفد کے ساتھ ملاقات میں صدر اے ڈی بی نے  پاکستان میں معاشی استحکام کے لیے سخت اقدامات کی تعریف کی۔

صدر ایشین ڈیولپمنٹ بینک نے وزیر اقتصادی امور کی زیر قیادت پاکستانی وفد کے ساتھ ملاقات کی،ملاقات میں اے ڈی بی نے پاکستان کی حمایت کی تصدیق کی۔صدر اے ڈی بی نے پاکستان میں معاشی استحکام کیلیے سخت اقدامات کی تعریف کی،وزیر اقتصادی امور نے پاکستان کے لیے ایشین ڈیولپمنٹ بینک کی فراخدلانہ حمایت کی تعریف کی۔اے ڈی بی کی طویل المدتی حمایت پر وزیر چیمہ نے اظہار تشکر کیا۔

احد چیمہ نے اے ڈی بی سے وسائل کو موسمیاتی اقدامات اور کمزور ممالک کے لیے استعمال کرنے کی درخواست کی،اے ڈی بی نے عوامی و نجی شراکت داری اور موسمیاتی تبدیلی میں تعاون کی یقین دہانی کرائی۔

وزیر احد چیمہ نے ایشین انفراسٹرکچر انویسٹمنٹ بینک اور یورپیئن انویسٹمنٹ بینک کے حکام کے ساتھ ملاقاتیں کیں، ان ملاقاتوں میں ترقیاتی منصوبوں اور مستقبل کی حمایت پر وزیر چیمہ نے بین الاقوامی بینکوں کے سینئر قیادت کے ساتھ بات چیت کی۔

ان ملاقاتوں میں پاکستان میں جاری ترقیاتی منصوبے اور ترجیحی شعبے زیر بحث آئے،احد چیمہ نے برطانیہ، جرمنی، اور امریکہ کے ساتھ دو طرفہ تعاون پر گفتگو کی،پاکستان میں ٹیکسیشن سسٹم کے مکمل ڈیجیٹلائزیشن پر بات چیت کی گئی۔