بھارت میں جی 20 سربراہ اجلاس، روس اور چین کے صدور شریک نہیں ہوں گے

 اگلے ہفتے بھارت میں ہونے والے جی 20 سربراہی اجلاس میں چین کے صدر شی جن پنگ کی شرکت کا امکان نہیں ہے۔

صدر شی کے اس اجلاس میں شریک نہ ہونے کے امکانات کی خبر روئٹرز نے چین، بھارت اور ایک جی 20 رکن ملک کے ذرائع سے دی ہے۔ صدر شی جن پنگ کی جگہ چین کے وزیراعظم لی کیانگ شرکت کریں گے۔

ہندوستانی اور چینی وزارت خارجہ کے ترجمانوں نے تبصرہ کی درخواستوں کا جواب نہیں دیا۔

کیوڈو کی ایک رپورٹ کے مطابق، لی کے 5-7 ستمبر کو جکارتہ، انڈونیشیا میں ہونے والے مشرقی اور جنوب مشرقی ایشیائی رہنماؤں کے سربراہی اجلاس میں بھی شرکت کرنے کا امکان ہے۔

ہندوستان میں ہونے والے سربراہی اجلاس کے موقع پر صدر شی، امریکی صدر جو بائیڈن کی ملاقات کی توقع کی جا رہی تھی، بائیڈن نے جی 20 سربراہ اجلاس میں اپنی حاضری کی تصدیق کر دی ہے۔

صدر شی جن پنگ نے آخری بار بائیڈن سے انڈونیشیا کے بالی میں گزشتہ سال نومبر میں جی 20 سربراہی اجلاس کے موقع پر ملاقات کی تھی۔

روسی صدر ولادیمیر پوٹن پہلے ہی اعلان کر چکے ہیں کہ وہ نئی دہلی کا سفر نہیں کریں گے اور اس کے بجائے وزیر خارجہ سرگئی لاوروف کو بھیجیں گے۔

میزبان بھارت کے ایک سینئر سرکاری اہلکار نے رائٹرز کو بتایا کہ "ہم جانتے ہیں کہ صدر شی کی جگہ وزیر اعظم  لی کیانگ آئیں گے”۔

چین میں موجود ان تین میں سے دو ذرائع نے بتایا کہ انہیں چینی حکام نے مطلع کیا تھا، لیکن وہ صدر شی کی متوقع غیر حاضری کی وجہ سے آگاہ نہیں۔