سیاسی اور ذاتی مقاصد کے مقدمات کی کارروائی لائیو سٹریم نہیں کی جا سکتی، سپریم کورٹ

سپریم کورٹ،نیب ترامیم فیصلے کے خلاف اپیلوں کی گزشتہ سماعت کا حکم نامہ جاری کردیا گیا،حکم نامہ میں کہا گیاہے ایڈووکیٹ جنرل کے پی نے کیس کی کاروائی براہ راست نشر کرنے کی درخواست کی۔

حکمنامہ میں میں کہا گیاہے کہ عوامی مفاد کا مقدمہ نہ ہونے کے باعث لائیو نشریات کی درخواست مسترد کی جاتی ہے، کے پی حکومت کی مرکزی کیس میں ایک دن بھی عدالت میں نمائندگی نہیں تھی،اچانک انٹرا کورٹ اپیلوں میں کے پی حکومت کی لائیو دکھانے کی درخواست سمجھ سے بالاتر ہے۔

عدالتی آرڈر میں کہا گیا کہ پانچ رکنی لارجر بینچ میں جسٹس اطہر من اللہ نے فیصلے سے اختلاف کیا،سپریم کورٹ کے حکم نامہ کے مطابق سپریم کورٹ ہر مقدمے کو براہ راست نشر نہیں کر سکتی،خصوصاً ایسے مقدمات لائیو نہیں دکھائے جا سکتے جن میں سیاسی یا ذاتی مقاصد وابستہ ہوں، جسٹس اطہر من اللّٰہ نے اکثریتی فیصلے سے اختلاف کیا۔