پاکستان
جج ہمایوں دلاور کے خلاف پروپیگنڈا، عمران خان کے وکیل نعیم پنجوتھا کی آج ایف آئی اے طلبی
وفاقی تحقیقاتی ایجنسی ایف آئی اے نے سابق وزیراعظم کے وکیل نعیم حیدر پنجوتھا کو اسلام آباد کی مقامی عدالت کے جج دلاور ہمایوں کے خلاف سوشل میڈیا پر غلط معلومات دینے سے متعلق تحقیقات کے لیے طلب کر لیا۔
واضح رہے چیئرمین پی ٹی آئی عمران خان کو توشہ خانہ ریفرنس میں تین سال کی قید سنانے والے جج دلاور ہمایوں ہی ہیں۔
پی ٹی آئی چیئرمین نعیم پنجوتھا کو ایف آئی اے اسلام آباد سائبر کرائم ونگ میں آج (منگل کو) صبح دس بجے طلب کیا گیا ہے۔ ان کے خلاف تحقیقات اسلام آباد ہائیکورٹ کی جانب سے ہدایات پر شروع کی گئی ہیں۔