نئے انتخاب تک چیئرمین سینیٹ کو توسیع دینے کی تجویز

سینیٹ انتخابات میں تاخیر کے معاملے پر پارلیمانی جماعتوں کے سربراہوں کے اجلاس میں موجودہ چیئرمین سینیٹ صادق سنجرانی کو نئے چیئرمین کے آنے تک توسیع دینی کی تجویز پیش کردی گئی۔

اجلاس میں سینیٹ کے غیر فعال ہونےاور بحران کے خدشے سے نمٹنے کی حکمتِ عملی پر مشاورت کی گئی۔

اجلاس میں بتایا گیا کہ چیئرمین اور ڈپٹی چیئرمین سینیٹ 11 مارچ کو ریٹائر ہو جائیں گے، سینیٹ الیکشن 3 اپریل کو متوقع ہیں جبکہ ضمنی الیکشن 14 مارچ کو ہوں گے۔

اجلاس میں اراکین نے کہا کہ 3 اپریل سے قبل سینیٹ کا اجلاس منعقد نہیں ہو سکے گا، 3 اپریل سے قبل نئے منتخب اراکین کے حلف لینے میں بھی تاخیر کا امکان ہے۔

اراکین نے کہا کہ چیئرمین اور ڈپٹی چیئرمین کے ریٹائر ہونے سے سینیٹ سیکریٹریٹ کا کام بھی ٹھپ ہو جائے گا۔

بعض اراکین نے رائے دی کہ چیئرمین سینیٹ کو نئے چیئرمین کے آنے تک توسیع دینی چاہیے۔