پی ٹی آئی نے اسد قیصر کو پارٹی کے سیاسی امور کے متعلق فیصلوں سے روک دیا

پاکستان تحریک انصاف نے سابق اسپیکر قومی اسمبلی اسد قیصر کو پارٹی کے سیاسی امور سے متعلق فیصلے کرنے سے روک دیا۔

ذرائع  کا کہنا ہے کہ پی ٹی آئی رہنما اسد قیصر کے بھائی عاقب اللہ کو اسپیکر کیلئے نامزدگی سے ہٹانے کا فیصلہ عمر ایوب اور بیرسٹر گوہر کے شدید ردعمل کے بعد آیا۔سنی اتحاد نے اسپیکر خیبر پختون خواہ کے لیے بابر سلیم سواتی کو نامزد کردیا ہے۔

ذرائع کا کہنا ہے کہ اسد قیصر اپنے بھائی کے لیے عمران خان سے منظوری لائے تھے،اسد قیصر کے بھائی عاقب اللہ کو اسپیکر کیلئے نامزدگی سے ہٹانے کا فیصلہ عمر ایوب اور بیرسٹر گوہر کے شدید ردعمل کے بعد آیا۔

عمر ایوب نے عاقب اللہ کی جگہ بابر سلیم سواتی کو اسپیکر کیلئے نامزد کرنے کا اعلان کیا،  بابر سلیم کی تعیناتی کا فیصلہ عمر ایوب کی اڈیالہ جیل میں عمران خان سے ملاقات میں کیا گیا۔