ٹاپ سٹوریز
پی ٹی آئی نے انتخابی نشان کے لیے سپریم کورٹ سے درخواست واپس لے لی، آج پشاور ہائیکورٹ میں فیصلہ
پاکستان تحریک انصاف (پی ٹی آئی) نے سپریم کورٹ سے بلّے کے انتخابی نشان کی واپسی کی درخواست واپس لے لی۔
بیرسٹر گوہر خان نے سپریم کورٹ کے باہر میڈیا سے گفتگو کرتے ہوئے کہا کہ آج ہماری سپریم کورٹ میں درخواست لگی ہوئی تھی لیکن ہم نے اپنی درخواست واپس لے لی ہے۔
اُنہوں نے کہا کہ ہمارا کیس پشاور ہائی کورٹ میں تھا اور وہاں سے فیصلہ ہمارے حق میں آئے گا۔
پی ٹی آئی کے رہنما نے بتایا کہ آج 11 بجے سے پہلے پشاور ہائی کورٹ سے آرڈر آجائے گا۔
سپریم کورٹ نے پی ٹی آئی کی درخواست واپس لینے کی بنیاد پر خارج کر دی۔
چیف جسٹس قاضی فائز عیسیٰ کی سربراہی میں تین رکنی بینچ نے سماعت کی۔
سپریم کورٹ نے کہا کہ تحریک انصاف کی درخواست واپس لینے کی بنیاد پر خارج کی جاتی ہے، پی ٹی آئی کے کسی وکیل نے درخواست واپس لینے پر اعتراض نہیں کیا۔
سماعت کے آغاز میں بیرسٹر گوہر نے کہا کہ پی ٹی آئی اپنی درخواست واپس لے رہی ہے۔
چیف جسٹس پاکستان نے سوال کیا کہ حامد خان صاحب کہاں ہیں؟
چیف جسٹس قاضی فائز عیسیٰ نے بیرسٹر گوہر سے سوال کیا کہ آپ کون ہیں؟
بیرسٹر گوہر نے بتایا کہ میں درخواست گزار کا وکیل ہوں۔
چیف جسٹس پاکستان نے کہا کہ حامد خان صاحب آپ نے پرسوں کہا تھا آپ وکیل ہیں۔
حامد خان نے کہا کہ ہمارا کیس اس وقت پشاور ہائی کورٹ میں ہے۔
چیف جسٹس نے حامد خان سے سوال کیا کہ آپ کھڑے نہیں ہوئے، یہ بتائیں آپ وکیل نہیں ہیں اس کیس میں؟
حامد خان نے جواب دیا کہ نہیں میں اس کیس میں وکیل نہیں ہوں۔
چیف جسٹس نے کہا کہ کل کو کوئی آکر یہ دعویٰ کر دے کہ ہم نے درخواست واپس نہیں لی تھی تو پھر؟ علی ظفر کہاں ہیں، انہیں تو اعتراض نہیں درخواست واپس لینے پر؟
حامد خان نے کہا کہ نہیں، علی ظفر کو اعتراض نہیں، وہ اس وقت پشاور ہائی کورٹ ہیں۔
پی ٹی آئی نے پشاور ہائی کورٹ کے حکم امتناع کو سپریم کورٹ میں چیلنج کیا تھا۔
-
کھیل11 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
کالم1 سال ago
اسلام میں عبادت کا تصور
-
ٹاپ سٹوریز4 مہینے ago
اسحاق ڈار سے امریکی سفیر کی ملاقات، سکیورٹی اور اقتصادی تعاون سمیت دو طرفہ امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں