تازہ ترین
ڈونلڈ لو پر پی ٹی آئی کے الزامات، ہم سفارتکاروں کی سلامتی کو خطرے میں ڈالنے کی مذمت کرتے ہیں، ترجمان امریکی محکمہ خارجہ
![](https://urduchronicle.com/wp-content/uploads/2023/07/Matthew-Miller-1.jpg)
امریکی محکمہ خارجہ کے ترجمان نے اسسٹنٹ سیکرٹری ڈونلڈ لو پر عمران خان اور پی ٹی آئی کے الزامات کے حوالے سے کہا ہے کہ ہم امریکی حکام کی جانب کسی بھی دھمکی کو سنجیدگی سے لیتے ہیں اور اپنے سفارت کاروں کی حفاظت اور سلامتی کو خطرے میں ڈالنے کی کسی بھی کوشش کی مذمت کرتے ہیں۔
معمول کی پریس بریفنگ کے دوران ترجمان میتھیو ملر سے سوال کیا گیا کہ امریکی کانگریس کی کمیٹی پاکستان کے انتخابات کے منصفانہ ہونے پر اگلے ہفتے سماعت کر رہی ہے۔ اسسٹنٹ سیکرٹری ڈونلڈ لو کو کمیٹی کے سامنے گواہی دینے کو کہا گیا ہے۔ اس سماعت کے اعلان پر آپ کا ردعمل کیا ہے، اور کیا اس کے نتائج کا پاکستان اور امریکہ کے تعلقات پر کوئی اثر پڑے گا؟
اس پر میھیو ملر نے کہا کہ اسٹیٹ ڈپارٹمنٹ کے افسران ہر وقت کانگریس کے سامنے پیش ہوتے رہتے ہیں۔ ہم اسے اپنی ملازمتوں کے ایک اہم حصے کے طور پر دیکھتے ہیں تاکہ کانگریس کو اپنا کام کرنے میں مدد ملے، دونوں پالیسی سازی کے نقطہ نظر سے اور نگرانی کے نقطہ نظر سے۔ اس لیے ہم ہمیشہ کانگریس کے ساتھ ہونے والی غیر رسمی بات چیت، رسمی بات چیت دونوں کے منتظر رہتے ہیں۔
ترجمان سے سوال کیا گیا کہ سابق وزیراعظم عمران خان اور ان کے حامیوں کا الزام ہے کہ اسسٹنٹ سیکرٹری ڈونلڈ لو نے مارچ 2022 میں پاکستانی سفیر سے ملاقات کے دوران ان کی حکومت کو غیر مستحکم کرنے کی کوشش کی اور عمران کے الزامات کے بعد میڈیا رپورٹس کے مطابق ان کی پارٹی کے چند ارکان نے مسٹر ڈونلڈ لو کو کچھ دھمکی آمیز پیغامات بھیجے۔ تو ان کی جماعت کے کچھ ارکان وہاں ہو سکتے ہیں – کیونکہ یہ کھلی سماعت ہے، تو کیا آپ کو اس سماعت میں ڈونلڈ لو کی سیکورٹی پر کوئی تشویش ہے؟
اس پر ترجمان نے کہا کہ اسسٹنٹ سکریٹری لو کے خلاف الزامات جھوٹے ہیں۔ آپ نے مجھے یہ کہتے ہوئے سنا ہے ایک بار سے زیادہ، دو بار سے زیادہ، شاید دس بار سے زیادہ۔ بلاشبہ، ہم امریکی حکام کی طرف سے کسی بھی دھمکی کو سنجیدگی سے لیتے ہیں اور اپنے سفارت کاروں کی حفاظت اور سلامتی کو خطرے میں ڈالنے کی کسی بھی کوشش کی مذمت کرتے ہیں۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی