پاکستان
پنجاب اسمبلی، اپوزیشن نے ہتک عزت بل کا جائزہ لینے کے لیے کمیٹی کی تشکیل نو کا مطالبہ کردیا
![](https://urduchronicle.com/wp-content/uploads/2024/05/punjab-assembly-uproar.jpg)
اپوزیشن نے ہتک عزت بل کا جائزہ لینے کےلئے کمیٹی کی ازسرنو تشکیل کا مطالبہ کردیا، اپوزیشن رکن رانا شہباز کاکہناتھاکہ کمیٹی کےلئے اپوزیشن سے نام ہی نہیں لئے گئے، پنجاب اسمبلی میں انکشاف کیاگیا جہیز نہ ہونے کی وجہ سے ملک کی ایک کروڑ پینتیس لاکھ لڑکیوں کی شادیاں نہیں ہو سکیں، وزیر سوشل ویلفیئر نے کہاکہ محکمہ جلد ایسا قانون لایا جائے گا جس سے جہیز کیسے مسائل کا سامنا نہیں رہے گا، اپوزیشن رکن کو اسمبلی میں داخلے سے روکے جانے پر ایوان میں شور شرابا برپا رہا۔
پنجاب اسمبلی کا اجلاس ڈپٹی سپیکر ظہیر چنڑ کی صدارت میں ہوا،ایوان میں انکشاف کیاگیا کہ جہیز نہ ہونے کی وجہ سے ملک کی ایک کروڑ پینتیس لاکھ خواتین کی شادیاں نہیں ہو سکیں، حکومتی رکن احسن رضا خان کاکہناتھاکہ شہبازشریف نے ون ڈش پر پابندی لگائی اب جہیز اور اس کی نمائش پر بھی پابندی لگنی چاہئیے جس پر وزیر بیت المال و سوشل ویلفیئر سہیل شوکت بٹ نے ایوان کو یقین دلایا کہ محکمہ جلد ایسا قانون لائے گا جس سے جہیز جیسے مسائل کا سامنا نہیں رہے گا جہیز جیسے ناسور کو قانون بناکر ختم کریں گے۔
ایوان میں ایک بار پھر ہتک عزت بل کا معاملہ زیر بحث رہا، اپوزیشن رکن رانا شہباز اور رانا آفتاب نے تحفظات کااظہار کیا، اپوزیشن ارکان کاکہناتھاکہ سپیکر نے اپنی مرضی سے کمیٹی بنادی، اپوزیشن سے نام ہی نہیں لئے گئے اس لئے کمیٹی دوبارہ قائم کی جائے اور اس کےلئے اپوزیشن لیڈر سے حزب مخالف کے نام لئے جائیں۔ کمیٹی نے جو رپورٹ جمع کرائی ہے اس میں اپوزیشن رکن کے دستخط نہیں۔
اجلاس میں اپوزیشن رکن راشد طفیل کو اسمبلی گیٹ پر روکے جانے پر اپوزیشن نے شدید احتجاج کیا آس کہاکہ معزز رکن کو روکنا ووٹرز کی توہین ہے، سیکرٹری کو کال کرکے بتایا تو پھر اسمبلی میں آنے کی اجازت ملی، جس پر ڈپٹی سپیکر نے ایوان کو یقین دلایا کہ تحقیقات میں جو بھی اسمبلی آفیسر ملوث پایا گیا اسے معطل کیاجائے گا۔
ایوان میں وزیر پارلیمانی امور نے پنجاب فرانزک ایجنسی اور الیکشن کمیشن کی سالانہ رپورٹس بھی ایوان میں پیش کیں، ایجنڈا مکمل ہونے پر اسمبلی اجلاس سوموار کی دوپہر دو بجے تک ملتوی کردیا گیا۔
-
کھیل10 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل8 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
لائف سٹائل12 مہینے ago
ثومیہ خان کا نیا گیت ’ میرا لکھاں وچ اک ڈھولا‘ کبڈی ٹیم کپتان شفیق چشتی اور دیدار کی ماڈلنگ
-
تازہ ترین2 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے