پنجاب کسان کارڈ: کون اہل ہوگا، کیا سہولت ملے گی؟

پنجاب حکومت کا کسانوں کی فلاح و بہبود کیلئے تاریخی منصوبہ۔کسانوں کو مڈل مین سے چھٹکارہ مکے گا، آڑھتی اور کمیشن مافیا کا مکمل خاتمہ کرنے کی تیاری۔ساڑھے بارہ ایکڑ سے کم زرعی زمین رکھنے والے کسان کارڈ کے لیے اہل ہونگے۔پنجاب حکومت کی جانب سے منصوبے کے تحت کسانوں کو بلاسود قرض دیا جائے گا ۔کسانوں کو بیج و کھادوں کی خریداری کے لیے زیادہ سے زیادہ ڈیڑھ لاکھ روپے فی سیزن قرض دیا جائیگا۔

ابتدائی طور پر پنجاب کے پانچ لاکھ کسانوں کو پہلے آئو پہلے پائو کے تحت کسان کارڈ جاری ہونگے، پنجاب کسان کارڈ پر 75 ارب روپے لاگت آئیگی، کسانوں کو فی ایکڑ ایک ہزار روپے پروسیسنگ فیس کے طور پر ادا کرنا ہوں گے۔

پنجاب بینک کسانوں کی آن لائن رجسٹریشن کرے گا، پنجاب لینڈ ریکارڈ اتھارٹی کے ریکارڈ میں موجود زرعی زمینیں رکھنے والے کسان سکیم کے اہل ہونگے، قرض کی رقم صرف بیج اور کھاد کی خریداری کے لیے استعمال ہو سکے گی،بیج و کھادوں کے ڈیلرز کو بھی بنک آف پنجاب رجسٹرڈ کرے گا۔

صرف رجسٹرڈ ڈیلرز سے ہی کسان کھاد و بیج خرید سکیں گے، قرض ادا کرنے والے کسان ہی آئندہ سال کیلئے اہل ہونگے،پنجاب حکومت نے منصوبے ہر عملدرآمد و جائزہ کے لیے چیف سیکرٹری ہنجاب کی سربراہی میں بارہ رکنی کمیٹی تشکیل دے دی۔

بنک آف پنجاب نے ڈیلرز کی رجسٹریشن بھی شروع کر دی دس ہزار ڈیلرز اب تک رجسٹرد کیے جا چکے ہیں،بنک آف ہنجاب کو سود کی رقم پنجاب حکومت ادا کرے گی۔