تمام مذاہب کے پنجابی اپنے مسیحی بھائیوں کے ساتھ کھڑے ہیں، پنجابی قوم پرست کارکن نے چندہ مہم شروع کردی

فیصل آباد کی تحصیل جڑانوالہ میں مسحی برادری کے گرجا گھر اور گھر ایک فساد میں جلا دیئے گئے، پنجاب کے قوم پرست سیاسی کارکن فواد احمد کھرل نے مسحی برادری کی مدد کے لیے گو فنڈ پیج می پر فنڈز کی اپیل کی ہے اور کہا ہے کہ یہ وحشیانہ، غیر انسانی اور احمقانہ فعل، ہنگامہ آرائی اور بربریت نہ تو پنجاب کی ثقافتی اقدار اور نہ ہی اسلام کی مذہبی تعلیمات کی نمائندگی کرتی ہے۔

فواد احمد نے گو فنڈ می پیج پر اپنی اپیل میں کہا کہ بطور مسلمان پنجابی، یہ مقصد ہمارے لیے بہت اہم ہے کیونکہ ہم مضبوطی سے اور غیر مشروط طور پر اپنے "پنجابی مسیحی بھائیوں” کے ساتھ کھڑے ہیں۔

فواد احمد کا کہنا ہے کہ یہ چندہ جمع کرنے کی مہم ہم تمام مذاہب کے پنجابیوں کی طرف سے ہمارے مسیحی بھائیوں کے لیے ہم آہنگی اور محبت کا ایک چھوٹا سا اشارہ ہے۔