کوئٹہ: پولیو ٹیم پر مسلح افراد کی فائرنگ، دو پولیس اہلکار شہید

 کوئٹہ کے علاقے نواں کلی میں مسلح افراد کی فائرنگ سے پولیو ویکسینیشن ٹیم کی حفاظت پر مامور کم از کم دو پولیس اہلکار شہید ہو گئے۔

بلوچستان میں پولیو کے قطرے پلانے کے لیے ایک ہفتے تک جاری رہنے والی مہم کے پہلے دن منگل کو پولیس اہلکار ویکسینیشن ٹیم کی حفاظت پر تعینات تھے۔

مہم کے دوران پانچ سال تک کی عمر کے 25 لاکھ سے زائد بچوں کو انسداد پولیو کے قطرے پلائے جائیں گے۔حملے میں پولیو ٹیم محفوظ رہی۔

وزیر خارجہ بلاول بھٹو زرداری نے دونوں پولیس اہلکاروں کی ہلاکت پر دکھ اور افسوس کا اظہار کیا ہے۔

پی پی پی چیئرمین و وزیرِ خارجہ بلاول بھٹو زرداری کی کوئٹہ میں انسدادِ پولیو ٹیم پر دہشتگرد حملے کی مذمت

پی پی پی چیئرمین کا حملے میں پولیو ٹیم کی سیکیورٹی پر مامور دو پولیس اہلکاروں کی شہادت پر اظہارِ رنج و غم

امید ہے، حملے میں ملوث درندے بہت جلد جیل کی سلاخوں کے پیچھے ہوں گے:…

— PPP (@MediaCellPPP) August 1, 2023

انہوں نے "دہشت گردانہ حملے” کی مذمت کی اور امید ظاہر کی کہ مجرم جلد ہی سلاخوں کے پیچھے ہوں گے۔