پنجاب کے مختلف علاقوں میں 25 سے 28 جنوری تک بارشیں متوقع

پراونشل ڈیزاسٹر مینجمنت اتھارٹی (پی ڈی ایم اے) نے پنجاب کے مختلف علاقوں میں بارش کا امکان ظاہر کردیا۔

پی ڈی ایم  نے کہا ہے کہ 25 جنوری سے 28 جنوری تک پنجاب کے مختلف علاقوں میں بارش کا امکان ہے، پنجاب کے میدانی علاقے جنوری کے آخری ہفتے دھند کی لپیٹ میں رہیں گے۔

ترجمان پی ڈی ایم اے کے مطابق مری اور گردونواح میں بارش اور برفباری متوقع ہے،مری میں سیاحوں کیلئے 13 سہولت سینٹرز بنائےگئے ہیں۔

ترجمان پی ڈی ایم اے  نے کہا کہ خشک سردی سے مختلف بیماریوں کا پھیلاؤ تیز ہورہا ہے،بارشوں کا سلسلہ وبائی امراض میں کمی کا باعث ہوگا،سیاح سفر سے پہلے موسم کی صورتحال کا جائزہ لیں۔