رونالڈو کا موڈ خراب، سیلفی کی کوشش کرنے والے مخالف ٹیم کے سٹاف کو دھکا دے دیا

سٹار فٹبالر رونالڈونے بدمزاجی کا مظاہرہ کرتے ہوئے مخالف ٹیم  کے سٹاف ممبرکے ساتھ  نہ صرف سیلفی لینے سے انکار کیا بلکہ اسے دھکا بھی دیا۔ ویڈیو سوشل میڈیا پر وائرل ہوگئی۔

النصراورالخلیج کا میچ ال اول پارک میں کھیلا گیا،رونالڈو کی ٹیم النصرمیچ جیتنے میں کامیاب نہ ہو سکی اور میچ 1-1 سے ڈرا ہو گیا، جس پر رونالڈو یقینی طور پر اچھے موڈ میں نہیں تھے۔

Cristiano Ronaldo after the game.

pic.twitter.com/KngQfzAdzN

— CristianoXtra (@CristianoXtra_) May 8, 2023

میچ کے اختتام پر مخالف ٹیم کے سٹاف ممبر نےرونالڈو کے ساتھ سیلفی لینے کی کوشش کی، جس پر رونالڈو نے ان کو دھکا دے دیا، ویڈیو سوشل میڈیا پر وائرل ہو گئی اور  ایک نئی بحث چھڑ گئی ہے کہ رونالڈو سعودی عریبیہ میں خوش نہیں ہیں اور وہ کسی یورپی کلب کی راہ تک رہے ہیں۔

رونالڈو رواں سیزن میں سعودی پرولیگ میں 12 گول اسکور کر چکے ہیں اور ان کی ٹیم 26 میچوں میں 57 پوائنٹس حاصل کے دوسرے نمبر پر موجود ہے۔