دنیا
روس کا نجی ملیشیا گروپ ویگنر بیلاروس پہنچ گیا، وارسا کی تصدیق، پولینڈ بارڈر پر سکیورٹی بڑھادی گئی
یوکرین اور پولینڈ کے حکام نے کہا ہے کہ روس کی پرائیویٹ ملیشیا گروپ ویگنر کے جنگجو بیلاروس پہنچ گئے ہیں۔
یوکرین کی بارڈر ایجنسی کے ترجمان نے کہا ہے کہ ویگنر بیلاروس میں ہے، روس سے کئی گروپوں کی بیلاروس کی جانب نقل و حرکت دیکھی گئی۔
ویگنر گروپ کے قریبی ذرائع کا کہنا ہے کہ ویگنر کے کچھ جنگجو جمعرات سے ہی بیلاروس میں موجود تھے۔
بیلاروس کی وزارت دفاع نے جمعہ کو ایک ویڈیو جاری کی تھی، وزارت دفاع کے مطابق یہ ویڈیو آسیپوویچی کے قریب ملٹری کیمپ کی ہے جہاں ویگنر لڑاکے بیلاروس کی فوج کو تربیت دے رہے ہیں۔
ویگنر گروپ کی بیلاروس منتقلی اس معاہدے کا حصہ تھی جس کے تحت گروپ کے سربراہ یوگینی پریگوژن نے بغاوت روکی تھی،یوگینی پریگوژن 24 جون کو روس کے شہر روستوف سے جانے کے بعد عوام میں نظر نہیں آئے۔
پولینڈ کے نائب وزیر سپیشل سروسز نے کہا ہے کہ وارسا نے ویگنر کی بیلاروس میں موجودگی کی تصدیق کرائی ہے۔بیلاروس میں اس وقت سیکڑوں ویگنر جنگجوموجود ہیں۔
پولینڈ نے کہا کہ وہ بیلاروس کے ساتھ اپنی سرحد پر ممکنہ خطرات کے پیش نظر سکیورٹی بڑھا رہا ہے۔
بیلاروس کے صدر الیگزینڈر لوکاشینکو نے فروری 2022 میں یوکرین جنگ کے لیے روس کو اپنے دستے نہیں دئیے تھے لیکن جنگ کے لیے اپنی سرزمین استعمال کرنے کی اجازت دی تھی،بیلاروس ماسکو کے جوہری ہتھیار بھی اپنی سرزمین پر تعینات کرنے کی اجازت دے چکا ہے۔
بیلاروس کے فوجی نقل و حرکت پر نظر رکھنے والے ایک نجی گرو، جسے حکومت انتہا پسند قرار دے چکی ہے، نے رپورٹ کیا کہ روس کی جانب سے کم از کم 60 گاڑیوں کا قافلہ بیلاروس میں داخل ہوا، اس قافلے میں ٹرک، وینز، بسیں شامل تھیں جن پر نمبر پلیٹس دونستک اور لوہانسک کی تھیں، دونستک اور لوہانسک کو روس خودمختار ریاستیں قرار دیتا ہے لیکن بین الاقوامی طور پر یہ مشرقی یوکرین تصور ہوتی ہیں۔
رپورٹ کے مطابق گاڑیوں کا یہ قافلہ آسیپوویچی کے اسی کیمپ کی جانب جا رہا تھا جہاں پچھلے ہفتے غیرملکی صحافیوں کو سیکڑوں خالی خیمے دکھائے گئے تھے۔
روس کے ایک دفاعی امور کے رپورٹر نے ہفتہ کی شام ایک ویڈیو سوشل میڈیا پر شیئر کی تھی جس میں ٹرکوں اور فوجی گاڑیوں کا قافلہ جنوبی روس کی ایک ہائی وے پر چل رہا تھا اور اس پر ویگنر کے جھنڈے بھی تھے۔
-
کھیل12 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین5 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
پاکستان5 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
ٹاپ سٹوریز5 مہینے ago
اسحاق ڈار سے امریکی سفیر کی ملاقات، سکیورٹی اور اقتصادی تعاون سمیت دو طرفہ امور پر تبادلہ خیال
-
پاکستان6 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی