سرفراز خان، ویرات کے واپس آنے پر ٹیم سے باہر جا سکتے ہیں، ہربھجن سنگھ کی وارننگ

بھارتی کرکٹ ٹیم کے سابق اسپنر ہربھجن سنگھ نے سرفراز خان کو ان کی پہلی ٹیسٹ ٹیم میں شمولیت پر مبارکباد دی لیکن ساتھ ہی انہوں نے بلے باز کو سخت وارننگ بھی دی ہے۔

سرفراز کو انگلینڈ کے خلاف 2 فروری سے شروع ہونے والے دوسرے ٹیسٹ میچ کے لیے ہندوستانی اسکواڈ میں شامل کیا گیا ہے کیونکہ رویندرا جدیجا اور کے ایل راہول کو انجری کے خدشات کی وجہ سے باہر کردیا گیا ہے۔

سرفراز ڈومیسٹک سرکٹ پر شاندار فارم سے لطف اندوز ہو رہے ہیں اور انہوں نے انڈیا اے کی جانب سے بھی اچھی کارکردگی کا مظاہرہ کیا۔

ہربھجن سنگھ نے اپنے یوٹیوب چینل پر کہا کہ سرفراز خان کو اس موقع سے بھرپور فائدہ اٹھانا پڑے گا کیونکہ جب ویرات کوہلی واپس آئیں گے تو کسی کو باہر جانا پڑے گا۔ اس لیے وہ اس موقع کو ضائع کرنے کا متحمل نہیں ہو سکتا۔ اس نے بہت محنت کی ہے اور ڈومیسٹک کرکٹ میں بہت زیادہ رنز بنائے ہیں۔

ہربھجن نے بلے بازی کی کارکردگی پر تنقید کی اور نشاندہی کی کہ تجربے کی کمی ہے جو روہت شرما اور کمپنی کو نقصان پہنچا رہی ہے۔

ہندوستان کی بیٹنگ بہت کمزور لگ رہی ہے۔ روہت شرما ٹیم میں واحد تجربہ کار بلے باز ہیں۔ ان کے بعد، اگر آپ اعدادوشمار پر نظر ڈالیں، تو روی چندرن اشون کے پاس سب سے زیادہ رنز ہیں، "ہربھجن نے کہا۔

“اس ہندوستانی بیٹنگ لائن اپ میں تجربے کی کمی ہے۔ اگر ویرات کوہلی ہوتے تو بیٹنگ بہت مضبوط نظر آتی۔ ہربھجن نے مزید کہا کہ شبمن گل اور شریاس آئیر نے بھی حال ہی میں آگے بڑھنے کے لئے جدوجہد کی ہے۔