ترکی کے ساتھ توانائی، غذائی تحفظ، سیاحت، کان کنی میں تعاون کے خواہاں ہیں، وزیراعظم

وزیرِ اعظم محمد شہباز شریف سے کراچی میں پاک بحریہ کے جنگی جہاز طارق کے افتتاح کے بعدترکیہ کے نائب صدر جودت یلماز نے ملاقات کی۔

وزیراعظم ہاؤس پریس ونگ کے مطابق ملاقات میں دو طرفہ تعلقات، علاقائی صورتحال اور دیگر باہمی دلچسپی کے امور پر گفتگو ہوئی۔

وزیراعظم شہباز شریف نے کہا کہ پاکستان اور ترکیہ کے درمیان دیرینہ برادرانہ تعلقات ہیں جو دہائیوں ہر محیط ہیں.پاکستان اور ترکیہ کے مابین تعلقات کو باہمی فائدے کیلئے معاشی اور تجارتی تعلقات میں بدلیں گے۔

وزیراعظم نے کہا کہ پاکستان، ترکیہ کے ساتھ انفارمیشن ٹیکنالوجی، توانائی، غذائی تحفظ، سیاحت اور کان کنی کے شعبوں میں مزید تعاون کے فروغ کا خواہاں ہے.

ملاقات میں دونوں رہنماؤں نے دونوں ممالک کے مابین تعاون کے فروغ کیلئے اقدامات جاری رکھنے پر اتفاق کیا۔