انٹرنیٹ، موبائل بند کرنےسے الیکشن پر سوالات اٹھیں گے، پیپلز پارٹی، ایم کیو ایم کا احتجاج

پیپلز پارٹی اور ایم کیو ایم پاکستان نے موبائل فون اور انٹرنیٹ سروس بند کرنے پر احتجاج کیا ہے اور کہا ہے کہ الیکشن پر بہت سارے سوالات اٹھیں گے۔

پیپلز پارٹی کے رہنما سعید غنی نے میڈیا سے بات کرتے ہوئے کہا کہدہشتگردی کے بہانے بنائے جا رہے ہیں،الیکشن کے روز موبائل فون اور انٹرنیٹ بند کرنا کہاں کی دانشمندی ہے،اس عمل سے الیکشن پر بہت سارے سوالات اٹھیں گے،الیکشن کمیشن سے مطالبہ کرتا ہوں کہ فون سروس اور انٹرنیٹ بحال کیا جائے۔

سعید غنی نے کہا کہ امن و امان کی ذمہ داری حکومت کی ہے،الیکشن کے اتنے بڑے عمل کو متنازع بنانا کسی طور پر مناسب نہیں ہے۔

سینئر ڈپٹی کنوینر متحدہ قومی موومنٹ پاکستان و حق پرست نامزد اُمیدوار برائے قومی اسمبلی حلقہ NA-241/244 ڈاکٹر فاروق ستار نے اپنا ووٹ پی آئی بی کالونی میں کاسٹ کیا۔

میڈیا سے بات کرتے ہوئے فاروق ستار نے کہا کہ کراچی سمیت سندھ کے تمام شہروں میں یہ الیکشن نہیں ریفرنڈم ہے،آج یہ سوال دم توڑ گیا کہ الیکشن نہیں ہونگے،خیر سۓ الیکشن ہورہے ہیں،اس ریفرنڈم میں ایم کیو ایم پاکستان ماضی میں چھینی گئی تمام سیٹیں واپس لے گی،یہ سیٹیں ماضی میں ایم کیو ایم سے چھینی گئی تھیں،ھم سے چھینی گئی سیٹوں پر جیتنے والے اور جتوانے والے دونوں پریشان تھے،نیٹ اور فون بند ہونا تشویش کی بات ہے،اس سے ووٹرز پریشان ہونگے۔

فاروق ستار نے کہا کہ الیکشن کمیشن پر انتخابات کو شفاف اور نصفانہ بنانے کئ ذمہ داری ہے،نیٹ اور فون بند ہونا تشویش کی بات ہے ،اس سے ووٹرز پریشان ہونگے۔الیکشن کو متنازعہ بنایا جارہا ہے،الیکشن کمیشن کو اس کا نوٹس لینا چاہیے۔