سماجی کارکن صارم برنی انسانی سمگلنگ کے الزام میں گرفتار

سماجی کارکن صارم برنی کو انسانی اسمگلنگ کے الزام میں گرفتار کر لیا گیا۔صارم برنی کو امریکا سے کراچی واپس پہنچے پرحراست میں لیا گیا۔

ایف آئی اےحکام کےمطابق صارم برنی کو امریکی حکومت کی شکایت پر گرفتار کیا گیا ۔صارم برنی پر 25 سے زائد بچوں کی غیر قانونی طریقے سے امریکہ بھیجنے کا الزام ہے۔

ایف آئی اے کے مطابق صارم برنی کو امریکا سے کراچی پہنچنے پر ایف آئی اے کی اینٹی ہیومن ٹریفکنگ ٹیم نے انسانی اسمگلنگ کے الزامات کے تحت حراست میں لیا۔

ایف آئی اے ذرائع کے مطابق ان پر صارم برنی ٹرسٹ میں لائے گئے بچوں کو غیر قانونی طریقہ کار کے تحت امریکا بھیجنے اور وہاں اڈاپٹ کرانے کے الزامات ہیں، اس حوالے سے مزید تفتیش کی جارہی ہے۔