تحریک انصاف نے الیکشن ٹربیونل کی تشکیل کے متعلق عدالتی فیصلے پر نظرثانی اپیل دائر کردی

تحریک انصاف نے الیکشن ٹربیونلز کی تشکیل کیلئے دو آئینی عہدیداروں میں مشاورت کے فیصلہ کیخلاف نظر ثانی دائر کردی،عدالت عظمیٰ نے الیکشن ٹربیونل تشکیل کیلئے چیف جسٹس لاہور ہائیکورٹ اور چیف الیکشن کمشنر میں بالمشافہ مشاورت کا حکم دیا تھا۔

درخواست میں استدعا کی گئی ہے کہ الیکشن کمیشن کا ججز کی نامزدگیوں میں کوئی اختیار نہیں،سپریم کورٹ الیکشن ٹربیونل کی تشکیل فیصلہ کو معطل کرنے فیصلہ پر نظرثانی کرے۔

رہنما تحریک انصاف رہنما سلمان اکرم راجہ نے سپریم کورٹ میں نظر ثانی دائر کی،درخواست میں کہا گیا کہ سپریم کورٹ نے 4 جولائی فیصلہ میں لاہور ہائیکورٹ کا فیصلہ معطل کرنے کی کوئی بنیاد نہیں بتائی گئی۔

درخواست میں موقف اپنایا گیا کہ عدالتی فیصلہ میں چیف جسٹس لاہور ہائیکورٹ کی 4 اپریل کی الیکشن ٹربیونل کی نامزدگیوں کو معطل نہیں کیا گیا،الیکشن ٹربیونل تشکیل کیلئے ججز نامزدگیوں کا اختیار چیف جسٹس لاہور ہائیکورٹ کا ہے۔

درخواست میں استدعا کی گئی کہ الیکشن کمیشن کا ججز کی نامزدگیوں میں کوئی اختیار نہیں،سپریم کورٹ الیکشن ٹربیونل معطل کرنے فیصلہ پر نظرثانی کرے۔