تازہ ترین
انسداد دہشتگردی عدالت نے رؤف حسن کا دو روزہ جسمانی ریمانڈ منظور کر لیا
![Disclosure of Rauf Hassan's contacts with foreign journalists involved in anti-Pakistan propaganda](https://urduchronicle.com/wp-content/uploads/2024/04/rauf-hassan-pti.jpg)
پی ٹی آئی سیکرٹری اطلاعات رؤف حسن کا دو روزہ جسمانی ریماڈ منظود انسداددِہشتگردی عدالت اسلام آباد نےرؤف حسن کے دو روزہ جسمانی ریمانڈ کا حکمنامہ جاری کر دیا۔
انسداد دہشتگری عدالت اسلام آباد میں روؤف حسن کے خلاف دہشت گردی کے تحت درج مقدمہ کی سماعت جج طاہر عباس سپرا نے کی،روؤف حسن کے وکیل علی بخاری عدالت کے سامنے پیش ہوئے۔سی ٹی ڈی نے روؤف حسن کے 5 دن کے جسمانی ریمانڈ کی استدعا کی۔
وکیل علی بخاری نے کہا کہ روؤف حسن کو گزشتہ روز ایف آئی اے کیس میں جوڈیشل ریمانڈ پر بھیج دیا گیا تھا،ہمیں یہ کلیئرنس نہیں ہورہی کہ سی ٹی ڈی نے گرفتار کب کیا؟
پراسکیوٹر نے بتایا کہ روؤف حسن کو شامل تفتیش کل کرلیا گیا تھا، گرفتاری آج کی گئی۔
جج طاہر عباس سپرا نے ریمارکس دیے کہ 30 جولائی کی ضمنی رپورٹ میں لکھا ہے کہ روؤف حسن کو کچہری کے احاطہ سے ہی تفتیش میں شامل کرلیا گیا۔
وکیل علی بخاری نے کہا کہ اس کا مطلب یہ ہوا کہ کل ہی گرفتاری ڈال دی گئی تھی ،روؤف حسن گزشتہ 8 دنوں سے ایف آئی اے کی کسٹڈی میں ہیں،دہشتگردی کی ایف آئی آر میں روؤف حسن نامزد نہیں ہیں،نامزد ملزم کے بیان پر گرفتار کیا گیا ہے۔
وکیل علی بخاری نے کہا کہ الزام لگایا گیا کہ احمد وقاص جنجوعہ کو دہشت پھیلانے کے لیے 3 لاکھ دیے ہیں،پیسے ریکور کرنے کے لیے تو جسمانی ریمانڈ کی ضرورت نہیں ہے،چیف جسٹس اسلام آباد ہائیکورٹ نے 32 بندوں کے موبائل واپس کرائے تھے،روؤف حسن کے موبائل فون ، لیپ ٹاپ سب ایف آئی اے کے پاس ہیں ، اسی بنیاد پر جوڈیشل ریمانڈ پر بھیج دیا تھا۔
پراسیکیوٹر نے کہا کہ ان ناموں کی تفتیش کرنی جنہوں نے باوردی مواد دیے ہیں،ان ناموں کا پتا کرنے کے بعد ان بندوں کو پکڑنا ہے۔عدالت نے روؤف حسن کے جسمانی ریمانڈ پر فیصلہ محفوظ کرلیا۔
بعد میں تحریری آرڈر میں کہا گیا کہ تفتیش کے لیے روف حسن کے پانچ روزہ جسمانی ریمانڈ کی استدعا کی گئی، پراسیکیوٹر کے مطابق شریک ملزم نے نیٹ ورک کا انکشاف کیاجس پر تفتیش کرنی ہے، شریک ملزم کے بیان کی روشنی میں رؤف حسن کو مقدمہ میں نامزد کیاگیا، شریک ملزم نے نیٹ ورک کے حوالے سے تفتیش میں انکشاف کیا،بارود مہیا کرنے والے نیٹ ورک کے حوالے سے تفتیش ابھی کرنی ہے،دو روزہ جسمانی ریمانڈ منظور کیاجاتا ہے۔
عدالت نے حکم دیا کہ روف حسن کو 2 اگست کو عدالت پیش کیاجائے،رؤف حسن کی طبیعت کا خاص خیال رکھاجائے،روزانہ طبی معائنہ کیاجائے۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی