ایشیا کپ کے شیڈول کا اعلان کل ہوگا، ابتدائی 4 میچ پاکستان میں ہوں گے

ایشین کرکٹ کونسل ایشیا کپ کے شیڈول کا اعلان کل کرے گی، کپ کا آغاز پاکستان سے ہوگا۔

ذرائع کا کہنا ہے کہ براڈ کاسٹرز اور اسپانسرز کو اعتماد میں لینے کے بعد ٹورنامنٹ کے میچز کی تاریخیں اور مکمل پروگرام کا اعلان کیا جائے گا

ایشیا کپ پی سی بی کے جانب سے پیش کردہ ہائبرڈ ماڈل کے تحت ہو رہا ہے،ابتدائی 4 میچز پاکستان میں جب کہ باقی 9 میچز سری لنکا میں ہوں گے۔

دبئی میں ہونے والی میٹنگ میں یہ فیصلہ ہوا ہے کہ پاکستان کے چاروں میچ لاہور اور ملتان میں ہوں گے، سری لنکا میں 9 میں سے 2 میچ سینٹرز دمبولا اور پالے کیلے میں ہوں گے۔

ذرائع کا کہنا ہے کہ فائنل کو بارش سے بچانے کیلئے ریزرو ڈے رکھنے کا بھی فیصلہ کیا گیا ہے۔ایشیا کپ پاکستان میں 31 اگست سے شروع ہوگا جو 17 ستمبر تک کھیلا جائے گا۔

ایشیا کپ میں پاکستان سمیت بھارت، سری لنکا، بنگلادیش، افغانستان اور نیپال کی ٹیمیں حصہ لیں گی،ایونٹ میں پاک بھارت میچ دو ستمبر اور 10 ستمبر کو ہونے کا امکان ہے۔