وزیراعلیٰ سندھ نے قیدیوں کی سزاؤں میں کمی کا اعلان کردیا

وزیر اعلی سندھ کا عید الفطر کے موقع پر قیدیوں کی سزائوں میں کمی کا اعلان کیا ہے۔

آئی جی جیل خانہ جات کی درخواست پر صوبے کی جیلوں میں قید سزا یافتہ افراد کی سزاؤں میں 120 دنوں کی معافی کی منظوری دے دی۔

جیل قوانین دو ہزار انیس کے رول 788 کے تحت قیدیوں کی سزا میں 120 دنوں کی معافی دی جاسکتی ہے۔

معافی کا اطلاق قتل، جاسوسی ، بغاوت، ریاست مخالف سرگرمیوں ، دہشت گردی کے سزا یافتہ مجرموں پر نہیں ہوگا۔

زنا ، اغوا، ڈکیتی، غیر ملکی ایکٹ اور منشیات سے متعلق جرائم میں ملوث قیدی بھی معافی کے حقدار نہیں ہونگے۔

مالی غبن اور قومی خزانے کو نقصان پہنچانے کے مجرم قیدیوں کو بھی معافی نہیں ملے گی۔