معاشرہ
سینیٹر سلمیٰ عطاء اللہ جان کی کاوش، کینیڈا کی تاریخی پارلیمنٹ بلڈنگ میں محفل سماع
![](https://urduchronicle.com/wp-content/uploads/2023/05/canada-salma-atta-ullah-jan-1.jpeg)
کینیڈا کے دارالحکومت اٹاوا میں پاکستان نژاد ارکان پارلیمنٹ،سینٹر سلمیٰ عطاءاللہ جان اوررکن پارلیمنٹ پال چیانگ کی میزبانی میں محفل سماع کا اہتمام کیا گیا،جس میں پاکستان سے آئے ہوئے مشہور صوفی قوال فرید ایاز، ابومحمد قوال اور ہمنوا نے مشہور صوفیوں کی کافیوں اور نعتیہ کلام پر مشتمل قوالیوں کے ذریعے گھنٹوں کینیڈین مہمانوں کو مسحور کیے رکھا۔
تقریب کے سینٹر سلمیٰ عطاءاللہ جان،ایم پی پال چیانگ اور کینیڈا میں پاکستان کے سفیر ظہیر اے جنجوعہ نے معزز مہمانوں کو خوش آمدید کہا۔
محفل سماع میں پاکستان نژادارکان پارلیمنٹ سلمیٰ زاہد،یاسر نقوی،سمیر زبیری، شفقت علی،اقراخالد کے علاوہ دیگر کینیڈین سینٹرز،ارکان پارلیمنٹ،اعلیٰ کینیڈین حکام، غیر ملکی سفیر، ہائی کمشنرز،سفارت کاروں،سول سوسائٹی کے ارکان اور کینیڈین پاکستانیوں کی ایک بڑی تعداد نے شرکت کی۔
سفیر پاکستان ظہیرجنجوعہ نے کینیڈا میں پاکستانی ثقافت کو اجاگر کرنے اور خیبر سے مہران تک پاکستان میں بکھرے موسیقی کے رنگوں کو قوالی کی صورت میں،کینیڈین پارلیمنٹرینز اورعوام کے سامنے پیش کرنے پرسینیٹر سلمی عطاءاللہ جان اور ایم پی پال چیانگ کو خراج تحسین پیش کیا۔
سینٹرسلمیٰ عطا اللہ جان نے کہا کہ انہیں خوشی ہے کہ کینیڈین پارلیمنٹ کے زیر اہتمام ماہ مئی کو بطور ایشائی ثقافتی مہینہ منایا جا رہا ہے اور وہ اس موقع پر پاکستان کے صوفی قوالی فن کو پارلیمنٹ کے ساتھیوں اور کینیڈین عوام کے سامنے پیش کر رہی ہیں۔
کراچی میں پیدا ہونے والے کینیڈین رکن پارلیمان پال چیانگ نے کہا کہ ان کا بچپن اورجوانی پاکستانی میں گذری ہے اور وہ قوالیاں سنتے ہوئے جوان ہوئے ہیں۔انہوں نے کہا کہ وہ سینٹر سلمیٰ عطاءاللہ جان کے ساتھ مل کر محفل سماع کے انعقاد پر دلی خوشی محسوس کر رہے ہیں۔
اس موقع پر مہمانوں کے اعزاز میں پرتکلف بھی عشائیہ دیا گیا۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی