عادل راجہ، صابر شاکر، حیدر مہدی، شاہین صہبائی، معید پیرزادہ اور وجاہت ایس خان کے قومی شناختی کارڈ بلاک اور جائیداد قرق کرنے کا حکمبلاک

انسداد دہشگردی عدالت اسلام آباد نے اشتہاری ملزمان یوٹیوبر عادل راجہ ، شاہین صہبائی ، معید پیر زادہ ، صابر شاکر، حیدر مہدی اور وجاہت ایس خان کی منقولہ اور غیر منقولہ جائیداد قرق کرنے کا حکم دے دیا۔ چیئرمین نادرا کو ملزمان کے شناختی کارڈ بلاک کرنے کی بھی ہدایت کردی۔

انسداد دہشتگردی عدالت اسلام آباد کے جج طاہر عباس سپرا نے کیس کی سماعت کی، ملزموں کے خلاف گواہوں کے بیانات قلمبند کر لیے گئے۔

انسداد دہشت گردی عدالت کے جج طاہر عباس سپرا نے تحریری احکامات جاری کئے جن کے مطابق ڈپٹی کمشنر اسلام آباد کو حکم دیا گیا گیا ہے کہ اشتہاری ملزمان یوٹیوبر عادل راجہ ، شاہین صہبائی ، معید پیر زادہ ، صابر شاکر، حیدر مہدی اور وجاہت ایس خان کی منقولہ اور غیر منقولہ جائیداد قرق کی جائے،چیئرمین نادرا کو ملزمان کے شناختی کارڈ بلاک کرنے کی ہدایت بھی کی گئی ہے۔

عدالت نے اشتہاری ملزمان کے اوورسیز پاکستانیوں کے شناختی کارڈ نائیکوپ بھی بلاک کرنے کا حکم دیا ہے،ڈی جی ایف آئی اے کو اشتہاری ملزمان کے پاسپورٹ بلاک کرنے کا حکم دیا گیا ہے۔عدالت نے عدالتی احکامات پر عملدرآمد رپورٹ 15 دن میں طلب کرلی

ملزمان کیخلاف اشتعال انگیزی اور لوگوں کو تشدد پر اکسانے کے الزام کے تحت مقدمات درج ہیں۔