الیکشن کمیشن کسی بھی حلقہ میں دوبارہ گنتی کا اختیار رکھتا ہے، سپیکر پنجاب اسمبلی کی رولنگ

سپیکر پنجاب اسمبلی ملک محمد احمد خان نے رولنگ دی ہے کہ الیکشن کمیشن  کو اختیار ہے کہ وہ کسی حلقہ میں ووٹوں  کی دوبارہ گنتی کا حکم دے۔

اپوزیشن کے رانا آفتاب احمد  نے ووٹوں کی دوبارہ گنتی میں کا میاب ہو نے والے خان بہادر ڈودگر کے حلف کو غیر آئینی قرار دینے کا مطالبہ کیا تھا۔

اسپیکر ملک محمد احمد خان نے  کسی حلقہ میں ووٹوں  کی دوبارہ گنتی کے الیکشن کمیشن کے اختیار کو آئینی قرار دیا اور رولنگ دی کہ الیکشن کمیشن کسی بھی حلقہ میں دوبارہ گنتی کا اختیار رکھتا ہے۔الیکشن کمیشن جس امیدوار کی کامیابی کا نوٹیفیکیشن جاری کر ے گا میں امیدوار سے حلف لینے کا پابند ہوں۔

سپیکر نے اپنی رولنگ کو عدالت میں بطور حوالہ پیش کرنے کی اجازت دے دی۔