وفاقی حکومت نے حساس اور خفیہ معلومات کی غیرمجاز تشہیر کا نوٹس لے لیا، مقدمات درج کرنے کا فیصلہ

وفاقی حکومت نے حساس اور خفیہ معلومات کی غیر مجاز تشہیر کا نوٹس لے لیا، خفیہ معلومات اور دستاویزات کو نمایاں کرنے والوں کیخلاف کارروائی کا فیصلہ کیا گیا ہے۔

وفاقی وزیردفاع خواجہ آصف نے سوشل میڈیا پلیٹ فارمز پر خفیہ دستاویزات کی کھلے عام نمائش کا سخت نوٹس لیتے ہوئے کہا ہے کہ اس طرح کی معلومات کا پھیلاؤ پاکستان کو نقصان پہنچاسکتا ہے،دوست اوربرادرممالک  کے ساتھ تعلقات کو بھی نقصان پہنچ سکتاہے۔

وفاقی وزیردفاع نے کہا کہ اسٹریٹجک اور اقتصادی مفادات کو زک پہنچاسکتا ہے،تمام افراد کیخلاف آفیشل سیکرٹس ایکٹ کے تحت مقدمات درج کرنے  کا  فیصلہ کیا گیا ہے،بالواسطہ یا بلاوسطہ ملوث افراد کیخلاف سخت کارروائی کی جائےگی۔

وفاقی وزیر خواجہ آصف کا کہنا ہے کہ اس جرم کی سزا 2 سال قید اور جرمانے کی صورت میں بھگتنا ہوگی۔