بھارتی بورڈ نے ورلڈ کپ 2023 کو متنازع بنادیا، بھارتی پنجاب بھی ناراض

آئی سی سی ورلڈ کپ 2023 کے شیڈل پر بھارت کے اندر آوازیں اٹھنا شروع ہو گئیں، بھارتی بورڈ نے کرکٹ کو بھی سیاست کی نذر کردیا۔

ورلڈ کپ وینیوز کی تقسیم میں بھارتی پنجاب کو نظر انداز کرنے پر وزیر کھیل گرمیت سنگھ پھٹ پڑے، وزیر کھیل پنجاب گرومیت سنگھ نے ورلڈ کپ کے لیے موہالی کو میچ نا دینے کو سیاسی فیصلہ قرار دے دیا۔

بھارتی پنجاب کے وزیر کھیل کا کہنا ہے کہ موہالی ٹاپ وینیوز میں شامل ہے، میزبانی کے فیصلے سیاست کی نذر ہو گئے، موہالی کو ایک پریکٹس میچ تک نہیں دیا گیا۔

Punjab Sports Minister Gurmeet Singh Meet Hayer condemns the exclusion of Mohali from the list of cities to host the ICC Cricket World Cup-2023

"The exclusion of Punjab’s Mohali from the list of host cities for the tournament was due to political interference. Punjab government… pic.twitter.com/R7RVCejMfE

— ANI (@ANI) June 27, 2023

گرمیت سنگھ نے کہا کہ موہالی اسٹیڈیم میں 2011 ورلڈ کپ کا پاک بھارت سیمی فائنل ایک بلاک بسٹر مقابلہ تھا،اندور، راجکوٹ ، رانچی اور ناگپور اسٹیڈیم کو بھی کوئی میچ نہیں ملا۔

ان وینیوز کو اگنور کرنے پر بھی انڈین کرکٹ بورڈ پر تنقید کی جا رہی ہے۔