اسرائیلی وزیراعظم نے رمضان میں مسجد اقصیٰ کے اندر نماز پر پابندیوں کا اشارہ دے دیا

اسرائیلی وزیر اعظم بنجمن نیتن یاہو نے رمضان المبارک کے دوران مسجد اقصیٰ میں نماز کی ادائیگی پر پابندیاں عائد کرنے کا اعلان کیا ہے۔

بنجمن نیتن یاہو نے  پیر کو کہا کہ انہوں نے رمضان المبارک کے دوران یروشلم کی مسجد الاقصی میں عبادت کی آزادی کی اجازت دینے کا "متوازن فیصلہ” کیا ہے، لیکن یہ رسائی سیکورٹی ضروریات کے مطابق محدود ہوگی۔

یروشلم کے اولڈ سٹی میں واقع ایک فلیش پوائنٹ مقام، الاقصیٰ تک اسرائیلی مسلمانوں کی رسائی کو روکنے کے امکان کے بارے میں پوچھے جانے پر، نیتن یاہو کے دفتر نے کہا: "وزیراعظم نے پیشہ ور افراد کی جانب سے طے شدہ سیکورٹی ضروریات کے اندر عبادت کی آزادی کی اجازت دینے کا متوازن فیصلہ کیا۔” اس نے کوئی تفصیلات نہیں بتائیں۔

اسرائیل اکثر سکیورٹی وجوہات کی آڑ میں ایسی حدود متعین کرتا ہے جن پر نمازی جائے نماز تک پہنچ سکتے ہیں۔ ان حدود میں نمازیوں کی عمر وغیرہ جیسی پابندیاں عائد کی جاتی ہیں۔