لاہور ہائیکورٹ نے عیدالاضحیٰ کے لیے مارکیٹس رات دیر تک کھلی رکھنے کی اجازت دے دی

عدالت نے سموگ تدارک کیس کی سماعت کا عبوری حکم جاری کردیا ،عدالت نے عید الاضحی کی امد پر کاروباری طبقہ کو ریلیف دے دیا ،جمعہ سے اتوار تک کاروباری مراکز رات ایک بجے تک کھلے رہیں گئے،پیر سے جمعرات تک کاروباری مراکز رات 12 بجے تک کھلے رہیں گے۔

لاہور ہائیکورٹ کے جسٹس شاہد کریم نے سموگ تدارک کیس میں دو صفحات پر مشتمل عبوری حکم جاری کردیا،عدالت نے عید الاضحی کی امد پر کاروباری طبقہ کو ریلیف دیا ہے،جمعہ سے اتوار تک کاروباری مراکز رات ایک بجے تک کھلے رہیں گے،پیر سے جمعرات تک کاروباری مراکز رات 12 بجے تک کھلے رہیں گے۔

تحریری آرڈر میں کہا گیا کہ سموگ تدارک کے لیے محکمہ موسمیات نے اپنی رپورٹ جمع کروائی، سموگ روک تھام کے لیے کاروائیاں جاری رکھی جائیں،جوڈیشل واٹر اینڈ انوائرمنٹ کمیشن کے ماہرین نے اپنی رپورٹ جمع کروائی،رپورٹ کا تعلق زیر زمین پانی کی سطح کے حوالے سے تیار کردہ اعداد و شمار سے ہے۔

عدالتی حکم میں کہا گیا کہ زیر زمین پانی کی سطح 2017 میں 6.5 میٹر سالانہ سے کم ہو کر تقریباً 1.3 میٹر سالانہ رہ گئی ہے،نہری پانی آبپاشی کے لیے دستیاب ہے مگر تجاوزات کی وجہ سے نہری پانی باغ جناح پارک تک نہیں پہنچ پا رہا ہے،میونسپل کارپوریشن لاہور اس بات کو یقینی بنانے کہ تجاوزات کو صاف کیا جائے۔

عدالت نے حکم دیا کہ واٹر کورسز کھولے جائیں تاکہ پانی پارک تک پہنچ سکے،پنجاب فوڈ اتھارٹی عدالت کے احکامات کے مطابق رپورٹ دائر کرے گی۔عدالت نے سموگ تدارک کیس میں مزید کاروائی 14 جون تک ملتوی کردی۔