بلوچستان اسمبلی کا آخری اجلاس اگلے ہفتے بلایا جائے گا، نگران وزیراعلیٰ کے نام پر مشاورت شروع

بلوچستان میں صوبائی حکومت اور اپوزیشن نے نگران سیٹ اپ پر مشاورت شروع کردی ہے، نگران وزیر اعلیٰ کے لیے تین نام زیرغور آئے تاہم دو نے معذرت کر لی۔

ذرائع کا کہنا ہے کہ  بلوچستان کی نگران کابینہ کیلئے حکومت اور اپوزیشن جماعتوں میں مشاورت کا آغاز ہو چکا ہے، بلوچستان کی نگران کابینہ 10صوبائی وزرا شامل ہوں گے، حکومتی اتحادیوں کی جانب سے وزارت اعلیٰ کیلئے 2 ناموں پر غور کیا گیا۔

ذرائع کا کہنا ہے کہ حکومت کی جانب سے پیش کردہ دونوں سیاسی شخصیات نے نگران وزیر اعلیٰ بننے سے معذرت کرلی ہے، حکومت کی جانب سے چیئرمین سینیٹ کے بھائی اعجاز سنجرانی اور ملک عنایت اللہ کاسی کے نام پیش کئے گئے، میرا عجاز سنجرانی آئندہ عام انتخابات چاغی سے صوبائی اسمبلی کی نشست پر انتخاب لڑیں گے، ملک عنایت کاسی نے ذاتی مصروفیات کی وجہ سے نگران وزارت اعلیٰ بننے سے معذرت کی۔

ذرائع کا کہنا ہے کہ دونوں سیاسی رہنماؤں کی معذرت کے بعد بلوچستان عوامی پارٹی نے اتحادیوں سے دوبارہ مشاورت شروع کردی ہے۔

ذرائع کا کہنا ہے کہ نگران وزیر اعلیٰ کیلئے اپوزیشن جماعتوں کی جانب سے سردار اسد مینگل کے نام پر غور کیا جا ریا ہے۔

ذرائع کا کہنا ہے کہ نگران کابینہ میں جمعیت علمائےاسلام کی نمائندگی کیلئے 3 نگران وزرا لئے جائیں گے، نگران کابینہ میں سماجی و کاروبار شخصیات کے نام بھی شامل ہوں گے۔

ذرائع کا کہنا ہے کہآئندہ ہفتے موجودہ اسمبلی کا آخری سیشن طلب کیا جائےگا، اسمبلی اجلاس کے اختتام سے قبل ہی نگران کابینہ کیلئے ناموں کا حتمی فیصلہ کیا جائےگا۔