وزارت خزانہ نے ملک میں مہنگائی کی شرح 10 فیصد سے کم ہونے کا دعویٰ کردیا

وزارت خزانہ نے بہت جلد ملک میں مہنگائی کی شرح 10 فیصد سے بھی نیچے آنے کا دعویٰ کردیا،وزارت خزانہ نے ماہانہ اکنامک اپ ڈیٹ آؤٹ لک رپورٹ جاری کر دی۔

رپورٹ کے مطابق ملکی معیشت سال 2024ء میں استحکام کی طرف گامزن ہے ، آئی ایم ایف سے معاہدہ ہونے پر صورتحال مزید بہتر ہوگی،مئی میں مہنگائی 11.8 فیصد،جون 2024ء میں 12.6 فیصد رہی، جولائی میں مہنگائی 12 سے 13،اگست میں 11 سے 12 فیصد رہنے سے امکان ہے۔

رپورٹ میں کہا گیا ہے کہ مئی میں مہنگائی 11.8 فیصد،جون 2024ء میں 12.6 فیصد رہی،جولائی میں مہنگائی 12 سے 13،اگست میں 11 سے 12 فیصد رہنے سے امکان ہے۔

رپورٹ کے مطابق کرنٹ اکاؤنٹ خسارہ، مہنگائی میں کمی اور ایکس چینج ریٹ مستحکم ہے،زرعی شعبے کی کارکردگی اچھی رہی،صنعتی شعبے کی بحالی جاری ہے۔

رپورٹ میں کہا گیا کہ برآمدات، ترسیلات زر میں اضافہ ہوا،11 ماہ میں مالی خسارہ 4.9 فیصد رہا،جولائی میں برآمدات 2.4 سے 2.7 ارب ڈالر تک رہنے کا امکان ہے۔

رپورٹ میں مزید کہا گیا کہ جولائی میں درآمدات 4.5 سے 4.9 ارب ڈالر تک رہنے کا تخمینہ ہے،جولائی تا مئی 2024ء زرعی شعبے کو 1972 ارب سے زیادہ قرضے دیئے گئے۔

رپورٹ کے مطابق زرعی شعبے کو گزشتہ مالی سال کے مقابلے 26 فیصد زیادہ قرضہ ملا۔