اسرائیل کی جانب سے داغے گئے میزائل مار گرائے، شامی وزارت دفاع

شام کی وزارت دفاع نے کہا کہ شام کے فضائی دفاع نے جمعرات کو گولان کی پہاڑیوں سے دمشق کے مضافات کی طرف داغے گئے اسرائیلی میزائلوں کو مار گرایا جس میں دیہی علاقوں میں ایک عمارت کو نشانہ بنایا گیا۔
اسرائیل برسوں سے شام میں ایران سے منسلک اہداف کے خلاف حملے کر رہا ہے لیکن 7 اکتوبر کو فلسطینی مسلح گروپ حماس کے اسرائیلی سرزمین پر حملے کے بعد سے اس طرح کے حملوں میں تیزی آئی ہے۔
یکم اپریل کو، ایک اسرائیلی حملے نے دمشق میں ایرانی سفارت خانے کے احاطے کو نشانہ بنایا، جس میں ایران کے پاسداران انقلاب کے ایک سینیئر کمانڈر کے ساتھ ساتھ دیگر فوجی افسران بھی مارے گئے۔