ٹاپ سٹوریز
نیشنل ایروسپیس سائنس اینڈ ٹیکنالوجی پارک سے اگلی نسلوں کو بے پناہ فائدہ ہوگا، آرمی چیف
![](https://urduchronicle.com/wp-content/uploads/2024/01/army-chief-asim-munir-unveiling-inagural-plauque-of-national-aerospace-science-and-technology-park-1.jpeg)
پاک فوج کے سربراہ جنرل سید عاصم منیر نے کراچی میں نیشنل ایرو اسپیس سائنس اینڈ ٹیکنالوجی پارک سلیکون کے دوسرے چیپٹر کی افتتاحی تقریب میں بطور مہمان خصوصی شرکت کی۔
آرمی چیف جنرل سید عاصم منیر نے منصوبے کو قومی اور سٹریٹجک اہمیت کا حامل منصوبہ قرار دیتے ہوئے توقع ظاہر کی کہ اس منصوبے سے ملک بالخصوص نوجوان اور آئندہ نسلوں کو بے پناہ فائدہ ہوگا۔
ائیر چیف مارشل ظہیر احمد بابر سدھو نے منصوبے کے مختلف پہلوئوں پر روشنی ڈالی، آرمی چیف نے کور ہیڈ کوارٹرز کراچی کا بھی دورہ کیا۔
آئی ایس پی آر کے مطابق پاک فوج کے سربراہ جنرل سید عاصم منیر نے کراچی کا دورہ کیا، جس کے دوران انہوں نے کراچی میں قائم نیشنل ایرو اسپیس سائنس اینڈ ٹیکنالوجی پارک سلیکون کے دوسرے چیپٹر کی افتتاحی تقریب میں بطور مہمان خصوصی شرکت کی۔
آرمی چیف جنرل سید عاصم منیر نے منصوبے کو قومی اور سٹریٹجک اہمیت کا حامل منصوبہ قرار دیا، اور توقع ظاہر کہ اس منصوبے سے ملک بالخصوص نوجوان اور آئندہ نسلوں کو بے پناہ فائدہ ہوگا، یہ منصوبہ تکنیکی ترقی کو فروغ دینے کے ساتھ ساتھ قوم کو خودانحصاری کے حصول کے لئے ایک پلیٹ فارم پیش کر سکے گا۔
آرمی چیف جنرل سید عاصم منیر نے ائیروسپیس سائنس کے شعبے میں ایک اور سنگ میل کے حصول میں پاک فضائیہ، اس کی قیادت اور ہنر مند اہلکاروں کی کوششوں کو سراہا۔
تقریب سے خطاب کرتے ہوئے پاک فضائیہ کے سربراہ ائیر چیف مارشل ظہیر احمد بابر سدھو نے منصوبے کے مختلف پہلوئوں پر روشنی ڈالی، ان کا کہنا تھا کہ یہ منصوبہ ایرو اسپیس، سائبر اور آئی ٹی کے شعبوں میں بہترین ادارہ ثابت ہوگا، جو ابھرتی ہوئی ٹیکنالوجیز میں ٹیکنالوجیز کے لئے ڈیزائن، ریسرچ اینڈ ڈویلپمنٹ اور تخلیقی مراکز کا کام دے گا، انہوں نے کہا کہ اس اقدام سے قومی سطح پر سماجی، اقتصادی، سیکیورٹی اور سائنسی فوائد کے حصول کے وژن کو آگے بڑھایا جاسکے گا۔
بعد ازاں آرمی چیف نے کور ہیڈ کوارٹرز کراچی کا بھی دورہ کیا، جہاں کور کمانڈر کراچی نے آرمی چیف کا خیرمقدم کیا اور انہیں کور کی آپریشنل تیاریوں، تربیتی امور اور فوجیوں اور شہداء کے خاندانوں کی فلاح و بہبود کے لئے اٹھائے گئے اقدامات سے آگاہ کیا۔
-
کھیل10 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل8 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
لائف سٹائل12 مہینے ago
ثومیہ خان کا نیا گیت ’ میرا لکھاں وچ اک ڈھولا‘ کبڈی ٹیم کپتان شفیق چشتی اور دیدار کی ماڈلنگ
-
تازہ ترین2 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے