قومی ادارہ صحت نے ہیضہ سے بچاؤ کی ایڈوائزری جاری کردی

قومی ادارہ صحت نے اسہال (ہیضہ ) سے بچاؤ اوربروقت کنٹرول کے حوالے سے ایڈوائزری جاری کر دی ۔۔ ایڈوائزری صحت کے متعلقہ اداروں کو جاری کی گئی ہے ۔ شدیداسہال (ہیضہ ) کی بیماری Vibrio cholerae کی وجہ سے آنت میں انفیکشن کی وجہ سے ہوتی ہے۔

قومی ادارہ صحت کی ایڈوائزی میں کہا گیا ہے کہ ایشیائی ممالک کی طرح پاکستان بھی ہیضے کی وبا کا شکار ہے اور ملک کے مختلف حصوں سے اس بیماری کےکیسز رپورٹ ہوتے رہتے ہیں، گرمیوں اور برسات کے موسم میں (مئی سے نومبر تک) اسہال (ہیضہ) کے کیسز میں اضافے کا خدشہ ہوتا ہے۔

ایڈوائزی میں مزید کہا گیا کہ ناقص حفظان صحت اور پینے کے صاف پانی کی کمی بھی مختلف علاقوں میں اس بیماری کے پھیلاؤ کے لئے سازگار حالات فراہم کرتی ہے۔اس بیماری سے بچنے کے لئے ضروری ہے کہ صابن اور پانی سے ہاتھ بار بار دھوئیں، خاص طور پر ٹوائلٹ استعمال کرنے کے بعد، ڈائپر تبدیل کرنے کے بعد، اور کھانا تیار کرنے یا کھانے سے پہلے۔