وزیراعظم کا کرغزستان میں پاکستانی سفیر سے رابطہ، طلبہ سے ملاقات اور مدد کی ہدایت

وزیراعظم شہبازشریف نے کرغزستان میں پاکستان اوردیگر ممالک کے طلبہ پر حملوں پر تشویش کا اظہار کیاہے۔وزیراعظم نے کرغیزستان میں پاکستانی سفیر حسن علی زیغم سے ٹیلی فونک رابطہ کیاہے۔

وزیرِ اعظم نے کرغیزستان میں حالیہ صورتحال میں پاکستانی طلباء کو ہر قسم کی مدد و معاونت فراہم کرنے کی ہدایت کی۔ وزیراعظم نے پاکستانی سفیر سے کہاکہ وہ خود ہاسٹلز کا دورہ کرکے طلباء سے ملاقات کریں ۔پاکستانی سفیر نے وزیرِ اعظم کو صورتحال سے آگاہ کرتے ہوئے بتایا کہ واقعے میں کوئی پاکستانی جاں بحق نہیں ہوا، سفارتخانہ زخمی طلباء کی معاونت کر رہا ہے۔

وزیراعظم نے پاکستانی سفیر کوتاکید کو طلباء کے والدین کے ساتھ مسلسل رابطے میں رہیں۔ وزیراعظم کی طلبہ کے والدین کو بر وقت معلومات فراہم کرتے رہنے کی بھی ہدایت کی۔