سپیکر کا الیکشن تب ہوتا ہے جب ایوان مکمل ہو، بیرسٹر گوہر

پی ٹی آئی کی حمایت یافتہ سنی اتحاد کونسل کے رکنِ قومی اسمبلی بیرسٹر گوہر کا کہنا ہے کہ عوام کا نمائندہ تب بن سکتے ہیں جب عوام کا مینڈیٹ ہو۔

قومی اسمبلی کے پہلے اجلاس میں اظہارِ خیال کرتے ہوئے انہوں نے کہا کہ اسپیکر کا الیکشن تب ہوتا ہے جب اسمبلی پوری ہو، عوامی مینڈیٹ کے مطابق ہماری تعداد 186 ارکان ہے۔

بیرسٹر گوہر نے راجہ پرویز اشرف سے کہا کہ اسپیکر صاحب! آپ کے بائیں جانب اجنبی اس ایوان میں بیٹھے ہوئے ہیں، ہمیں روکا گیا، عوام نے غلامی نا منظور پر لبیک کہتے ہوئے ہمیں ایوان بھیجا۔

ان کا کہنا ہے کہ عوام کے دل میں ہے کہ ملک کے حقیقی لیڈر بانیٔ پی ٹی آئی ہیں، اسپیکر کا الیکشن تب ہوتا ہے جب اسمبلی پوری ہو، ہمیں روکا گیا، عوام نے نعرے غلامی نا منظور پر لبیک کہتے ہوئے ہمیں ایوان میں بھیجا۔

بیرسٹر گوہرکا کہنا ہے کہ عوام کے دل میں ہے کہ ملک کے حقیقی لیڈر بانیٔ پی ٹی آئی ہیں، اس ایوان میں عوامی مینڈیٹ کے سوا کوئی داخل نہیں ہوسکتا۔