سول انٹیلی جنس ایجنسی آئی بی کا سٹیٹس بیورو سے بڑھا کر ڈویژن کردیا گیا

نگران وزیراعظم نے سویلین ایجنسی انٹیلیجنس  بیورو کے سٹیٹس میں تبدیلی کی منظوری دے دی،آئی بی کو بیورو سے تبدیل کرکے ڈویژن کا سٹیٹس دے دیا گیا۔

ڈی جی آئی بی فواد اسد اللہ کی خصوصی کاوش کے باعث سٹیٹس تبدیل کرنے کی منظوری دی گئی،وزیراعظم کی منظوری کے بعد انٹیلیجنس بیورو ڈویژن میں تبدیل کردیا گیا۔

انتظامی اور مالی معاملات بہتر بنانے کیلئے  آئی بی کے سٹیٹس میں تبدیلی کا فیصلہ کیا گیا،وزیراعظم کی منظوری کے بعد کابینہ ڈویژن نے احکامات جاری کردیئے۔

ڈی جی آئی بی ڈویژن کے ایکس آفیشو سیکرٹری کے طور پر خدمات سرانجام دیں گے۔سٹیٹس تبدیل کرنے کے احکامات کا فوری طور پر نفاذ کیا گیا ہے۔