گیس قیمتوں میں اضافے کی تجاویز حقیقت پسندانہ نہیں، وزیر پٹرولیم، گیس کمپنیوں سے اعداد و شمار طلب

گیس کی قمیتوں میں حالیہ بڑے اضافے  پر وزیر پیٹرولیم مصدق ملک نے کمپنیوں سے اعدادوشمار طلب کر لیے،مصدق ملک کا کہنا ہے کہ گیس کی قیمتوں میں اضافے کے حوالے سے تحفظات ہیں،گیس کی قیمتوں میں اضافے کی تجاویز غیر حقیقت پسندانہ ہیں

وزیر پیٹرولیم نے کہا ہے کہ ڈالرکی قیمت کم ہو یا زیادہ کمپنیوں کی طرف سے اضافے کی درخواست آ جا تی ہے،دیکھا جائے گا کس بیناد پر قیمتوں میں اتنا بڑا اضافہ مانگا گیا ،کمپنیوں کے ملازمین کی تنخواہوں میں اضافے اور مراعات کیلئے قمیتیں بڑھانا مناسب نہیں۔

وزیر پیٹرولیم  نے کہا کہ سوئی نادرن اور سوئی سدرن سے تفصیلات مانگی ہیں،99فیصد عوام بجلی کے سسٹم سے جڑے ہیں ،سستی بجلی کی فراہمی ہی مساٸل کا حل ہے،ایل این جی پلانٹس کو گیس پر چلانے سے 22سے26 روپے فی یونٹ بنتا ہے،مقامی گیس پر بجلی بنانے سے فی یونٹ قیمت دس سے بارہ روپے رہ جاتی ہے۔

انھوں نے کہا گیس بچانے کے لیے ہم نےعوام کو سستی بجلی دینی ہے،ہیٹر اورگیزر چولہوں کو الیکٹرک پر شفٹ کرنا ہوگا ،روس سے نجی شعبے کے ذریعے تیل درآمد ہو رہا ہے،کیپٹیو پاور پانٹس کی حوصلہ شکنی کی جا رہی ہے

مصدق ملک نے کہا کہ پیٹرولیم مصنوعات پر سیلز ٹیکس کے نفاذ کی بات ابھی میرے علم میں نہیں،تواناٸی کے شعبے کا گردشی قرض پانچ ہزار ارب ہو چکا ہے،گردشی قرضے سے جان چھڑانےکے لیے اصلاحات لانا ہوں گی۔