سپریم کورٹ نے ثناء اللہ مستی خیل کو الیکشن لڑنے کی اجازت دے دی

سپریم کورٹ نے ثناء اللہ مستی خیل کو الیکشن لڑنے کی اجازت دے دی،عدالت نے لاہور ہائی کورٹ ملتان بینچ کا فیصلہ کالعدم قرار دے دیا،الیکشن کمیشن کو ثناءاللہ مستی خیل کا نام بیلٹ پیپرز میں  کرنے کا حکم دے دیا۔

سپریم کورٹ میں چیف جسٹس قاضی فائز عیسیٰ کی سربراہی میں بین نے ثناء اللہ مستی خیل کی اپیل کی سماعت کی۔

چیف جسٹس نے الیکشن کمیشن حکام سے سوال کیا کہ کیا بیلٹ پیپرز چھپ چکے ہیں؟

حکام الیکشن کمیشن  نے بتایا کہ بیلٹ پیپرز پرنٹنگ کیلئے تیار ہیں۔

 درخواست گزار نے وکیل نے کہا کہ ثناء اللہ مستی خیل کا نام ابتدائی لسٹ میں شامل تھا انتخابی نشان بھی مل چکا ہے۔

الیکشن کمیشن کے ڈی جی پولیٹیکل فنانس نے کہا کہ بیلٹ پیپرز کیلئے پلیٹس بن چکی ہیں، بیلٹ پیپرز کیلئے محدود کاغذ ہے، بیلٹ پیپرز کیلئے کمپوزنگ بھی ہو چکی ہے۔

جسٹس مسرت ہلالی نے کہا کہ ابھی کئی مرحلے رہتے ہیں، ایک دم سب کچھ کیسے کیا گیا؟

چیف جسٹس پاکستان نے ریمارکس دیئے کہ کیا آپ یہ کہنا چاہتے ہیں ریٹرننگ افسر کا فیصلہ ہی حتمی ہوتا ہے، ٹربیونل جو چاہے کرے، ہائیکورٹ نے بغیر سنے، بغیر وجہ وجہ بتائے کیسے درخواست بحال کی،کیا دہشت گردی یا اغوا کا الزام ہے؟

جسٹس مسرت ہلالی نے کہا کہ الزام تو محض ٹائر جلانے کا ہے۔

عدالت نے تحریری آرڈر میں کہا کہ ریٹرننگ افسر نے این اے 91سے ثناء اللہ مستی خیل کے کاغذات نامزدگی مسترد کیے،الیکشن ٹربیونل نے ریٹرننگ افسر کا فیصلہ کالعدم قرار دیا،ہائیکورٹ ملتان بینچ میں رٹ درخواست دائر کی گئی،ہائیکورٹ نے بغیر سنے فیصلہ دیا ،ثناء اللہ مستی خیل پر ایف آئی آر میں معمولی جرائم کی دفعات لگائی گئیں،ثناء اللہ مستی خیل کی پہلے حفاظتی ضمانت پھر ضمانت قبل از گرفتاری کی درخواست منظور ہوئی۔

حکمنامہ میں کہا گیا کہ تمام فریقین کو سنے بغیر مقدمہ بحال نہیں ہو سکتا،ہماری رائے میں کاغذات نامزدگی مسترد کرنے کا فیصلہ قانون کے مطابق نہیں ہے۔عدالت نے ثناء اللہ مستی خیل کی اپیل منظور کر لی۔