سپریم کورٹ نے عمران خان کو عدالت حاضری کا موقع فراہم کردیا

سپریم کورٹ نے عمران خان کو عدالت میں پیش ہونے کا موقع فراہم کر دیا،نیب ترامیم کیس کی 31 اکتوبر کی سماعت کا تحریری حکمنامہ جاری کر دیا گیا۔

 تحریری حکم نامہ میں کہا گیا ہے کہ عمران خان نیب ترامیم میں مرکزی درخواست گزار ہیں،عدالت تمام فریقین کو نوٹسز جاری کرتی ہے،عدالتی حکم کی نقل اڈیالہ جیل میں قید چیئرمین پی ٹی آئی کو پہنچائی جائے،اگر پی ٹی آئی چیئرمین عدالت میں پیش ہونا چاہیں تو جیل سپرنٹنڈنٹ انتظامات کریں۔

تحریری حکمنامہ میں مزید کہا گیا کہ نیب ترامیم فیصلے کے خلاف اپیلیوں کی سماعت سپریم کورٹ پریکٹس اینڈ پروسیجر کے تفصیلی فیصلے سے مشروط ہے،چیئرمین پی ٹی آئی کو نوٹس جیل سپرنٹنڈنٹ کے ذریعے بھیجا جائے گا،اگر چیئرمین پی ٹی آئی سپریم کورٹ میں نمائندگی چاہتے ہیں تو جیل سپرنٹینڈنٹ انتظامات یقینی بنائیں۔

اٹارنی جنرل اور تمام صوبائی ایڈووکیٹ جنرلز کو نوٹس جاری کر دئیے گئے،چیف جسٹس کی سربراہی میں 5 رکنی لارجر بینچ نے سماعت کی تھی۔