پینٹاگون کے دو سب سے بڑے عہدوں پر سیاہ فام، جنرل چارلس کیو براؤن جوائنٹ چیفس آف سٹاف کمیٹی کے چیئرمین بن گئے

امریکی سینیٹ کی اکثریت نے بدھ کے روز امریکی فضائیہ کے سربراہ جنرل چارلس کیو براؤن کو  امریکی افواج کا سربراہ بنائے جانے کی حمایت کردی۔

سینیٹ نے صدر جو بائیڈن کی جانب سے جوائنٹ چیفس آف اسٹاف کے چیئرمین کے لیے براؤن کی نامزدگی کی حمایت 83 ووٹوں سے کی مخالفت میں 11 ووٹ پڑے۔

براؤن ایک سابق فائٹر پائلٹ ہیں جو چین کے ساتھ بڑھتے ہوئے تناؤ کے دوران بحرالکاہل میں کمانڈ کے تجربے کی وجہ سے اس پوزیشن کے لیے موزوں تصور کئے گئے۔

وہ دو دہائی قبل کولن پاول کے بعد جوائنٹ چیفس کی سربراہی کرنے والے دوسرے سیاہ فام افسر ہوں گے۔

ڈیفنس سکریٹری لائیڈ آسٹن نے براؤن کو ان کی توثیق پر مبارکباد دی، اور ووٹ پورے کرنے پر سینیٹر چک شومر کو کا شکریہ ادا کیا۔

براؤن کی نامزدگی، جس کا اعلان مئی میں کیا گیا تھا، آسٹن کی پہلے سیاہ فام امریکی وزیر دفاع کے طور پر تقرری کے بعد ہوئی ہے۔

براؤن کی توثیق کا مطلب ہے کہ سیاہ فام امریکی پہلی بار پینٹاگون میں سب سے اوپر کے دو عہدوں پر فائز ہیں، جو ایک ایسے ادارے کے لیے ایک اہم سنگ میل ہے جس کی نچلی صفوں میں تنوع ہے لیکن زیادہ تر سفید فام اور مرد سب سے اوپر ہیں۔

شومر نے بائیڈن کی جانب سے آرمی چیف آف اسٹاف بننے کے لیے اور جنرل ایرک اسمتھ کو میرین کور کا اگلا کمانڈنٹ بننے کے لیے بائیڈن کی نامزدگی پر سینیٹ کے ووٹوں کا راستہ بھی صاف کیا۔