اسلام آباد میں 4 ہزار چینی باشندے مقیم، سکیورٹی یقینی بنانے کے لیے ڈیٹ مرتب کر لیا گیا

اسلام آباد پولیس نے شہر میں رہنے والے چینی شہریوں کا ڈیٹا مرتب کرلیا، ذرائع  کے مطابق اسلام آباد میں 4 ہزار چینی باشندے رہائش پذیر ہیں۔

ذرائع کا کہنا ہے کہ اسلام آباد پولیس نے چینی باشندوں سے متعلق رپورٹ وزارت داخلہ کو ارسال کردی،دوہزار پانچ سو کے قریب طلبہ ہیں جو مختلف یونیورسٹییز میں تعلیم حاصل کررہے ہیں۔

ذرائع نے بتایا کہ اسلام آباد میں رہائش پذیر 1ہزارسے زائد چینی باشندے سی پیک سے منسلک ہیں،وزارت داخلہ کی ہدایت پت چینی شہریوں کی سیکیورٹی کے لیے خصوصی اقدامات کیے جائیں گے۔

ذرائع نے کہا کہ سیف سٹی کیمروں کے ذریعے چینی باشندوں کی سیکیورٹی کو یقینی بنایا جائے گا،اسپیشل برانچ کو بھی چائنیز کی سیکیورٹی کے لیے اقدامات کی ہدایات کی گئی ہیں۔